«Реал Вальядолид» жамоаси ҳимоя чизиғини икки бразилиялик футболчи билан тўлдирмоқчи.
UOL нашрининг хабарига кўра, Марсело ва Дани Алвес испан клубига бориб қўшилиши мумкин. Улар «Реал» ва «Барселона»ни эркин агент сифатида тарк этмоқда.
Клубнинг 51% акциясига эгалик қилувчи ва унинг президенти бўлган Роналдо нафақат «Реал Вальядолид»нинг савиясини ошириш, балки, ҳомийларни жалб этиш учун ҳам терма жамоадаги собиқ шериклари билан шартнома имзолаш истагида.
Роналдо иккала ҳимоячи ҳам маошлари сезиларли даражада камайтирилишига рози бўлишига умид қилмоқда, чунки испан клуби уларга аввалги жамоаларидек маош тўлашга қодир эмас.
«Феномен» раҳбарлик қиладиган жамоа ўтган мавсум Испания иккинчи дивизионида 2-ўринни эгаллаб, Ла Лигага қайтди.
Изоҳ (0)