Голливуднинг маҳоратли актрисаси Никол Кидман 2022 йил 20 июнь куни 55 ёшни қарши олди. Актриса бу ёшга етгунига қадар, албатта, узоқ йўл босиб ўтди, бир қанча синовларга дуч келди. Grazia нашри худди Никол Кидман ва Том Круз каби бир фимлда суратга тушгандан сўнг муносабатларини тўхтатган юлдузли жуфтликнинг бир нечтасини тақдим этди.
Никол Кидман ва Том Круз
Жаҳон киносининг энг гўзал жуфтликларидан бири суратга олиш майдончасида учрашган. Никол ва Том «Момақалдироқ кунлари» фильмининг кастингига биргаликда келган. Актёр мафтункор интилувчан актриса билан бутун ҳаётини бирга ўтказмоқчи эканлигини тезда англаб етди.
Севишганлар тезда турмуш қурди. Жуфтлик фарзанд кўра олмагач, бола асраб олишга қарор қилди. Уларнинг оиласи бир ўғил ва қизга кўпайди. Томнинг саентологияга содиқлиги уларнинг никоҳни аста-секин йўқ қилди. «Эес Wиде Шут» фильмда суратга тушгандан сўнг Никол муносабатларни тўхтатиши кераклигини англади. 2001 йилда эр-хотин ўн йил турмушдан кейин ажрашишди.Бред Питт ва Анжелина Жоли
Бу жуфтликнинг муносабатлари «Жаноб ва хоним Смит» фильмининг суратга олиш майдончасида бошланган. Жоли-Питц атрофидаги барчага мутлақо бахтли оиладек кўринарди. Бироқ 2015 йилда улар яна бир фильмда суратга тушди. Анжи «Ложувард соҳил» фильмининг режиссёри ва сценарий муаллифи эди. Бу драма бир вақтлар бахтли турмуш қурган ва муносабатлари охир-оқибат инқирозга дуч келган эр-хотин ҳақида бўлиб, картина премьерасидан бир йил ўтгач, Питт ва Жолининг ўзлари ҳам муаммоларга дуч келди.
2016 йил сентябр ойида Анжелина никоҳни бекор қилиш ва болаларни тўлиқ васийликка олишини сўраб судга мурожаат қилди. 2021 йилда собиқ жуфтлик ниҳоят васийлик билан боғлиқ барча муаммоларни ҳал қилди ва Бред болаларни кўриш ҳуқуқига эришди. Аммо инсайдерларнинг сўзларига кўра, Анжелина ушбу суд қарорига қарши чиқишга ҳаракат қилмоқда.
Бриттани Мерфи ва Эштон Катчер
Бриттани ва Эштон «Янги турмуш қурганлар» фильмининг суратга олиш жараёнида танишиб, учраша бошлади. Севишганлар ўзларининг ҳис-туйғуларини яширишга ҳаракат қилди, лекин Голливудда ҳеч ким буни уддасидан чиқмаган. 2003 йилда фильм намойиш этилиши биланоқ Эштон Деми Мур билан учрашишни бошлади ва Бриттани билан ҳеч афсусланмасдан ажрашди.
Женнифер Лоуренс ва Николас Холт
Женнифер ва Николай ҳам 2011 йилда «Х-Мен: Биринчи синф» фильмида учрашишган. Муносабатлар бир неча йил давом этди, жуфтликлар франшизанинг давомида яна бирга ишлашлари керак эди. Суратга олиш майдончасида улар ҳаммасини қайтадан бошлашга қарор қилди. Афсуски, бу сафар муносабатлар узоқ давом этмади. Достоннинг учинчи қисми Лоуренс ва Холт учун учинчи имконият бўлиб қолмади: жуфтлик ажрашишга қарор қилди.
Женнифер Лоуренс ва Даррен Аронофски
Женнифер Даррен билан «Она» фильмининг суратга олиш майдончасида учрашди. Кўпчилик уларнинг орасидаги муносабат ҳақида тахмин қилди, бир йил ўтгач, жуфтлик ўзларининг ҳис-туйғуларини расман тасдиқлади. Аммо актриса фильм чиққандан кейин режиссёр билан ажрашди. Шу билан бирга, Женнифер ажралиш сабабини ижодий фарқлардан бошқа нарса деб атамади.
Кристен Стюарт ва Роберт Паттинсон
«Сумерки» достони нафақат дунёга машҳур лойиҳанинг ўзини, балки мукаммал жуфтликни ҳам тақдим этди. 2012 йил охирида суратга олиш ишлари якунланди ва муносабатлар ҳам ўз ниҳоясига этди. Маълум бўлишича, Кристен Робертга хиёнат қилганлиги туфайли муносабатларга нуқта қўйилди.
Изоҳ (0)