Қозоғистон президенти Қосим-Жўмарт Тўқаев Санкт-Петербург халқаро иқтисодий форумида сўзлаган нутқида ДХР ва ЛХРни квази-давлат (маълум бир минтақага даъвогарлик қиладиган ва у ерда қандайдир ҳудудий назоратни амалга оширадиган, лекин давлатчиликнинг баъзи мезонларига эга бўлмаган жангари сепаратистик гуруҳ) ҳудудлари деб атади.
Тўқаевнинг айтишича, Қозоғистон уларнинг мустақиллигини тан олмайди.
Бу ҳақда Тўқаев Россия президенти Владимир Путин иштирокидаги форумнинг ялпи мажлисида саволларга жавоб бераётиб маълум қилди.
Тўқаевнинг сўзларига кўра, Қозоғистонда очиқ жамият шаклланган бўлиб, улар Россиянинг Украинадаги «махсус операцияси» ҳақида турли фикрлар билдирмоқда.
Тўқаев дунёда икки тамойил – давлатларнинг ҳудудий яхлитлиги ва халқларнинг ўз тақдирини ўзи белгилаш ҳуқуқи ўртасида қарама-қаршилик борлигини таъкидлади.
Шунингдек, у Қозоғистон на Тайван, на Косово, на Абхазия, на Жанубий Осетия мустақиллигини тан олмаслигини айтди.
Изоҳ (0)