Криштиану Роналду «Манчестер Юнайтед»ни тарк этиш истагида эмас.
Аввалроқ португалиялик футболчи Эрик тен Ҳагнинг услубига мос тушмаслиги, шунинг учун жамоани тарк этиши мумкинлиги хабар қилинганди.
37 ёшли ҳужумчига «Рома» қизиқиш билдираётгани маълум бўлганди. Sport Witness нашрининг ёзишича, ҳозирда Роналдуда манкунианликлар сафини тарк этиш истаги мавжуд эмас. У жамоада қолади.
Криштиану «қизил иблислар» шарафини яна камида бир йил ҳимоя қилмоқчи ва ҳеч қаерга кетишни мақсад қилмаган.
Криштиану Роналду 2021/22 йилги мавсумда барча мусобақаларда 39 та ўйинда майдонга тушиб, 24 та гол ва 3 та голли узатмага муаллифлик қилди.
Изоҳ (0)