Олий Мажлис қонунчилик палатаси депутати Расул Кушербаев Telegramдаги каналида янги қабул қилинадиган Ўзбекистон Конституциясидан нималар кутаётгани ҳақида пост қолдирди.
Депутатнинг қайд этишича, янги Конституцияда давлат бошқарувидан тортиб, фуқаро ва давлат ўртасидаги муносабатларга қадар барча масалалар фундаментал ўзгариши керак.
Содиқ Сафоев агар янги Конституция қабул қилинса, у албатта барча фуқаролар учун, шу жумладан, бугунги президентимиз учун ҳам янги конституция бўйича сайловларда иштирок этишга имконият яратиб бериши ҳақида фикр билдирибди. Албатта мазкур масалада ҳар хил фикр ва ёндашувлар бўлмоқда. Шахсан менга бу борада Конституциявий суднинг фикри қандай эканлиги қизиқ. Агарки янги Конституция ҳақида гапирсак, у ҳақиқатан ҳам янги бўлиши, давлат бошқарувидан тортиб, фуқаро ва давлат ўртасидаги муносабатларга қадар барча масалалар фундаментал ўзгариши керак. Масалан, мен Конституцияда мамлакат ҳаётида парламент ролини ошириш мақсадида ҳуқуқни муҳофаза қилиш идоралари жумладан, прокуратура, давлат хавфсизлик хизмати, ички ишлар, божхона, Миллий гвардия, мудофаа тизимининг парламентга ҳисобдор бўлиб, тизим раҳбарияти парламент томонидан лавозимга тайинланиб, лавозимдан олинишини Конституцион қоида сифатида белгилаб қўйиш зарур, деб ҳисоблайман.Аввалроқ Сенат раисининг биринчи ўринбосари Содиқ Сафоев янги Конституция қабул қилинса, у барча фуқаролар учун, шу жумладан, ҳозири президент учун ҳам сайловларда иштирок этишга имконият яратиб беришини айтганди.Ижро ҳокимиятида бош вазир институтини кучайтириш, жойлардаги вакиллик органларини ҳокимлардан алоҳида қилиш, фуқаролик жамияти институтларининг имкониятларини кенгайтириш, сиёсий партиялар ташкил этишни соддалаштириш масалалари ҳам Конституциядан ўрин олиши керак. Шунингдек, энг кўп амал қилинмаётган мулк дахлсизлиги масаласида Конституцияда қатъий ва ўзгармас қоидалар бўлиши шарт.
Изоҳ (0)