Қашқадарё вилоятида содир бўлган йўл-транспорт ҳодисаси оқибатида бир нафар йўловчи вафот этди, деб хабар беради вилоят ИИБ ахборот хизмати.
Маълум қилинишича, 16 июнь куни соат 05:30 ларда ҳайдовчи А.С. Nexia русумли автомашинаси билан Қарши шаҳар айланма йўлидан Самарқанд вилояти томонга ҳаракатланиб келаётган бўлган. Енгил машина ҳайдовчиси «Боғобод» МФЙ ҳудудидаги «Шаршара» чойхонаси олдидаги чорраҳада бурилиб олиш вақтида қарама-қарши томондан ҳаракатланиб келаётган ҳайдовчи А.Т. бошқарувида бўлган «Зил-130» русумли юк автомашинаси унинг олд қисмидан уриб юборган.
Оқибатда Nexia автомашинаси салонида бўлган йўловчи Н.Ў. олган тар жароҳати туфайли шифохонада кўрсатилган тез тиббий ёрдамга қарамасдан вафот этган.
Ҳозирда мазкур ҳолат юзасидан Қарши тумани ИИБ Тергов бўлими томонидан терговга қадар суриштирув ҳаракатлари олиб борилмоқда.
Аввалроқ Қашқадарёда бошқарувни йўқотган Nexia ағдарилиб кетгани, Тошкентда Matiz дарахтга урилиши оқибатида ҳайдовчи ва йўловчи ҳалок бўлгани, Жиззахда катта тезликда ҳаракатланган Lacetti автомобили Nexia-3 ва Damas билан тўқнашгани тўғрисида хабар берилганди.
Изоҳ (0)