«Реал» ярим ҳимоячиси Лука Модрич мадридликлар билан амалдаги шартномасини узайтирди. Бу ҳақда испан клуби матбуот хизмати маълум қилди.
Хорватиялик футболчи «Реал» билан 2023 йилнинг ёзига қадар мўлжалланган шартномага имзо чекди.
Маълумот учун, Модрич 2012 йилда «Тоттенҳэм»дан «Реал»га ўтган. 10 йилдан буён «қаймоқранглилар» шарафини ҳимоя қилиб келаётган Лука 3 марта Испания чемпионати, 1 марта Испания Кубоги, 4 марта Испания Суперкубоги, 5 марта Чемпионлар Лигаси, 3 марта УЕФА Суперкубоги, 4 марта Клублар ўртасидаги Жаҳон чемпионатида зафар қучган.
2021/22 йилги мавсумда 36 ёшли ярим ҳимоячи Ла Лиганинг 28 та ўйинида иштирок этиб, 2 та гол урди ва 8 та голли узатмани амалга оширди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)