Ҳамиша олма қўшиб пишириладиган ширинликни янги усулда тайёрлаб кўришингизни тавсия қиламиз. Elle нашри тақдим этган творогли шарлотка рецепти ҳам оиланинг энг севимли ширинлигига айланиши шубҳасиз.
Керакли маҳсулотлар:
- творог — 200 грамм;
- тухум — 4 дона;
- шакар — 150 грамм;
- олма — 2 дона;
- ун — 200 грамм;
- қабартма — 1 пакет;
- сметана — 3 ош қошиқ;
- шакар упаси — 1 ош қошиқ;
- туз.
- Тухум ва шакар яхшилаб кўпиртириб аралаштирилади.
- Творог, сметана ва бир чимдим туз қўшиб, яна миксер қилинади.
- Устидан ун ва қабартма солинади. Яна аралаштирилади.
- Пишириқ қолипи ўсимлик мойи билан ёғланади, хамир қуйилади.
- Тилим қилиб кесилган олмалар хамир устидан териб чиқилади.
- 180 даражада 35-40 дақиқа давомида олдиндан қиздирилган печда пишириб олинади.
- Совигач, устидан шакар упаси сепилади.
Изоҳ (0)