Озарбайжон ошхонасига мансуб ушбу егулик витаминларга бой бўлиб, кўкатлар ҳамда пишлоқ билан биргаликда ажойиб таъмни ҳосил қилади. Lifehacker нашри тақдим этган рецептга кўра мазкур егуликни, албатта, тайёрлаб кўришингизни тавсия қиламиз.
Керакли маҳсулотлар:
Хамир учун:
- буғдой уни — 120 грамм;
- бутун буғдой уни — 120 грамм;
- сув — 400-500 мл;
- ўсимлик ёғи — 1 ош қошиқ;
- туз — 1/4 чой қошиқ.
- исмалоқ — 1 боғлам;
- кўк пиёз — 3 дона;
- пиёз — 1/2 дона;
- фета пишлоғи — 70 грамм;
- лимон — 1 дона;
- ўсимлик ёғи — 1 ош қошиқ;
- укроп, ялпиз, кашнич.
- Икки турдаги ун маҳсулотлари бир-бири билан аралаштирилади. Устидан туз ва қайнаган сув қуйилади ва хамир қорилади.
- Хамир сочиқ билан ёпилиб, бир неча дақиқага тиндиришга қўйилади. Кейин ёғ қўшилиб, яна яхшилаб қорилади ва 30 дақиқага қолдирилади.
- Кўкатларнинг барчаси яхшилаб ювилиб, майда тўғралади. Пишлоқ майдаланади ва лимондан бир ош қошиқ шарбат сиқиб олинади.
- Ёғ ўртача оловда қиздирилади. Биринчи бўлиб пиёз қовурилади.
- Устидан кўк пиёз, исмалоқ ва лимон шарбати қўшилади. Бир неча дақиқа қовурилгач, аралашма оловдан олинади.
- Сўнгра массага қолган кўкатлар ва пишлоқ солиб аралаштирилади ҳамда совитишга қўйилади.
- Хамир бир неча бўлакларга бўлиниб, юпқа қилиб ёйилади.
- Начинкадан бир қисм олиб, думалоқ хамирнинг тенг ярмига солинади. Иккинчи ярми билан хамир ёпилади ва чет қисми яхшилаб босилади.
- Чиройли кўриниши учун хамир четини санчқи ёрдамида босиб чиқиш мумкин.
- Худди шу тарзда бичакларнинг қолган қисми ҳам тайёрланади.
- Товада ёғ ўртача оловда қиздирилади. Бичаклар ҳар икки томони қизаргунча қовурилади.
Изоҳ (0)