Килиан Мбаппе дунёнинг энг кўп маош олувчи спортчисига айланади.
Marca нашрининг хабарига кўра, футболчи «ПСЖ» билан шартномасини 2025 йилга қадар узайтирганидан сўнг, дунёнинг энг кўп маош оладиган спортчисига айланади.
Қайд этилишича, Мбаппе «Реал»га ўтишга розилик берган, аммо орадан 3 кун ўтиб, ўз фикрини ўзгартирган. Француз Қатарга борганидан сўнг «Мадрид» унинг ниятига шубҳа билан қарай бошлаган. У «Реал» таклиф қилган шартномаолди келишувини имзоламай, «ПСЖ» билан бир неча миллион долларлик битим бўйича келишувга эришган ҳолда Парижга қайтган.
«Қаймоқранглилар» раҳбариятининг ҳафсаласи пир бўлган, чунки улар қарор қабул қилишда асосий омил айнан пул эканлигини тушунган. Мбаппега Франция президенти Эммануэль Макроннинг сўзлари ҳам, «ПСЖ»нинг турли хил усуллари ҳам таъсир кўрсата олмади. Пул, шунингдек, «ПСЖ» президенти Носир ал-Ҳелайфининг янги лойиҳа қуриш борасидаги ваъдаси уни жамоада қолишга кўндирган.
Килиан ушбу лойиҳа бошида турмайди. «ПСЖ»даги вазият тўлиқ ал-Ҳелайфининг назорати остида. У яқинда парижликлар спорт директори бўлиши кутилаётган Луис Кампос билан бирга клуб сиёсатини белгилаб беради.
Қайд этиш жоиз, «Реал» ҳужумчини қўлга киритишига 100% ишончи комил бўлиб турган вақтда Килиан Мбаппе «ПСЖ» билан 2025 йилнинг ёзига қадар мўлжалланган шартнома имзолади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)