Ижтимоий тармоқларда Ўзбекистонда дон маҳсулотлари тақчиллиги юзага келгани ҳақида хабар тарқалди. «Ўздонмаҳсулот» акциядорлик компанияси ҳолат юзасидан муносабат билдирди.
Компания масъулининг таъкидлашича, бугунги кунда «Ўздонмаҳсулот» таркибидаги корхоналарда тегирмон қувватлари тўлиқ ишлаб турибди. Дон ва ун захиралари етарли миқдорда мавжуд. Маҳсулотлар биржа савдоларига узлуксиз чиқарилмоқда.
«Ҳеч қандай миш-мишларга ишонишга ва ваҳимага ўрин йўқ», — дейилади хабарда.
Аввалроқ Монополияга қарши курашиш қўмитаси «буханка» ноннинг нархи ошганига муносабат билдирганди. Шунингдек, Ўзбекистонда ўсимлик ёғини экспорт қилиш вақтинча тақиқлангани, молия вазири ўринбосари озиқ-овқат нега қимматлигига изоҳ бергани ҳақида хабар берилган.
Изоҳ (0)