Ўзбекистон апрель ойида 91 миллион долларга автомобиль импорт қилди. Бу йил бошидан бери рекорд кўрсаткичдир

Апрель ойида Ўзбекистон 91,1 миллион долларга автомобилларни импорт қилди. Бу Давлат статистика қўмитаси маълумотларида қайд этилди.

Таққослаш учун, январда автомобиллар импорти 65,7 миллион, февралда 58,8 миллион, мартда 64,8 миллион долларни ташкил қилган.

Натижада йил бошидан буён автомобиллар импорти ўтган йилнинг шу даврига нисбатан 2,5 баробар ошган.

Импортнинг ўсишини февраль ойида енгил автомобиллар, март ойида эса SUV ва гибрид автомобиллар импорти учун божхона ставкалари пасайтирилгани билан изоҳлаш мумкин. Бундан ташқари, электромобиллар учун нол божхона ставкаси белгиланган.

Аввалроқ Ўзбекистонда ойига нечта «иномарка» сотилаётгани маълум бўлган эди.