Ўзбекистонда коронавирус бўйича вазият мураккаблашиш эҳтимоли бор. Бу ҳақда 23 май куни ССВ вакиллари билан ўтказилган матбуот анжуманида Санитария-эпидемиологик осойишталик ва жамоат саломатлиги хизмати бошлиғи ўринбосари Нурмат Отабеков айтиб ўтди, деб хабар берди «Дарё» мухбири.
Мутахассиснинг таъкидлашича, коронавирус бир кишида бўлса ҳам аниқланяптими, демак, у бошқа одамни касаллантириши мумкин.
Касалликни дастлабки аниқланган вақтида ҳисоб-китоблар қилганимизда маълум бўлгандики, бир киши 240 кишини касаллантириши мумкин. Ўша касаллик бошланиши, авж олиши ва тугаши арафасида. Шу нуқтаи назардан Ўзбекистонда вазият барқарор. Энди эпидемиология фанида шундай бир жумла бор, эпидемия кечаётган ҳудудда яшашни ўзига яраша хислати бор. Унга мувофиқ, биз касаллик бор ҳудудда яшаяпмизми, маълум бир миқдорда вирусни юқтириб олиш баробарида иммунитетимиз ишлаб туради.Эслатиб ўтамиз, Ўзбекистонга 2022 йилнинг февралида Moderna вакцинасининг 2,8 миллиондан ортиқ дозаси, март ўрталарида 2 миллион дозага яқин Pfizer вакцинаси, 17 март куни эса Япониядан 201 600 доза AstraZeneca вакцинаси олиб келинганди.Хитойда Олимпиада, Паралимпиада муносабати билан давлатга кириш тўхтатилди. Касаллик манбаи вақтинча жиловлаб турилди. Демак, касаллик қўзғатувчи ўша ҳудудда бўлганлиги учун организмдаги мавжуд иммунитет таранглиги пасайди. Уларни уйғотиб турадиган, сергак қилиб турадиган вируслар бўлмади. Чегара очилгандан кейин кириб келган вирус айнан иммунитет таранглиги сусайган, яъни ночорлашган иммунитетда мавжуд бўлган ёки иммунитети умуман бўлмаган аҳолини бирданига қамраб олди. Шуни ҳисобига касаллик авж олиб кетди.
Ўзбекистонда асосий қуролимиз — эмлаш. Агар биз эмланмай қолган ёки кимларнингдир фикрлари асосида иккиланиб турган одамларни ҳам эмлаш билан қамраб оладиган бўлсак, биз ўйлаган натижамизга эришамиз. Бизни безовта қилаётган нарса номутахассислар майдонга чиқяпти. Ҳақиқий мутахассислар қолиб, ўзининг соҳасида омадсиз бўлган одамлар майдонга чиқиб, эмлаш ҳақида фикр юритяпти, тарғибот ўтказяпти, одамларнинг фикрларини ўзгартиришга ҳаракат қиляпти. Шунинг учун соҳа мутахассисларининг фикрларига эргашган ҳолда биз эҳтиёт чораларини кўришимиз ва ҳалиям коронавирус борлигини унутмаган ҳолда эмлаш тадбирларига аҳамият берадиган бўлсак, биз вазиятни идрок қила оламиз. Ҳозир 35 миллион аҳолига 30-40 та касаллик қайд этилиши жуда ҳам барқарор дегани. Лекин биз вазият мураккаблашиши эҳтимоли борлигини инкор қилмаймиз.
Санитария-эпидемиологик осойишталик ва жамоат саломатлиги хизмати бошлиғи ўринбосари Нурмат Отабеков
Изоҳ (0)