Россиянинг Санкт-Петербург шаҳри Невский туманида адвокатнинг вояга етмаган қизига нисбатан ахлоқсиз хатти-ҳаракатларни амалга оширган 41 ёшли Ўзбекистон фуқароси қўлга олинди. Бу ҳақда ҳуқуқ-тартибот органларидаги манбасига таяниб, «78.ru» нашри хабар берди.
Маълум қилинишича, 14 май куни Рибаский кўчаси 37-уйда эркак 14 ёшли қизга уятсиз ҳаракатлар қилган. Жабрланувчи уйи ёнида ушбу эркакни бир неча бор кўрганини айтган.
Ҳолат юзасидан Шлисселбург проспектида яшовчи ўзбекистонлик эркак тегажоғликда гумон қилиниб қўлга олинган. Ҳозирда ушбу вазият бўйича жиноий иш қўзғатилган.
Эслатиб ўтамиз, 2019 йилнинг ноябрида Россиянинг Ленинград вилоятида ўзбекистонлик мураббий ўз шогирдини зўрлаганликда гумонланиб қўлга олинган эди.
Изоҳ (0)