Бугун,

  • USD 11095.31
  • RUB 173.84
  • EUR 10772.44

АОКАда ўтказилган брифингда «Ўзагроинспекция» ахборот хизмати раҳбари Холида Шодиева 2022 йилнинг январь—апрель ойларида амалга оширилган ишлар тўғрисида маълумот берди.

Қайд этилишича, инспекция томонидан январь—апрель ойларида жами 40 мингдан зиёд профилактик тадбирлар ўтказилган. Соҳада қишлоқ хўжалиги ходимларига қонун бузилишларнинг олдини олиш, бажарилиши лозим бўлган ишлар юзасидан тарғибот ва ташвиқот ишлари олиб борилган.

Жумладан, 43 та «Ўздонмаҳсулот» тизим корхонаси ва 200 дан ортиқ хусусий дон корхонасининг 360 нафар (муҳандис-технолог, лаборатория бошлиғи ҳамда бухгалтерия ходими) моддий жавобгар шахси билан семинарлар ўтказилган. Профилактика тадбирлари жараёнида аниқ кўрсатмалар ва амалий чоралар кўриб борилган. Натижада тадбиркорлик субъектларида қабул қилиш, сақлаш, қайта ишлаш, реализация қилиш дон хавфсизлиги тўғрисидаги техник регламент талабларига риоя қилиш бўйича 172 та содир этилиши мумкин бўлган қонун бузилиши ҳолатининг олди олинган.

Шунингдек, буғдойни сақлашга мос, ёпиқ сиғимларга эга дон қабул қилувчи хўжалик юритувчи субъектлари белгиланган талаблар асосида ўрганилган. Ўрганиш натижасига кўра, 4 миллион тоннадан ортиқ дон сақлаш сиғимига эга корхоналар рўйхати шакллантирилган.

Тегишли ташкилот ва идораларга соҳада ҳуқуқбузарликларни олдини олиш юзасидан 28 мингдан зиёд огоҳлантирув ва 1793 та тақдимнома киритилган. 847 та ҳолатда материаллар қонуний қарор қабул қилиш учун судларга ва бошқа ҳуқуқни муҳофаза қилувчи органларга юборилган.

«Уруғчилик тўғрисида»ги қонун билан инспекцияга берилган ваколатлар доирасида 2022 йил ҳосили учун 56 минг 38 тонна уруғлик чигитга мувофиқлик сертификати берилиши таъминланган. Шунингдек, 1 минг 933 тонна уруғлик чигитлар таҳлиллар давомида экишга яроқсизлиги аниқланган. Бунинг натижасида номувофиқ деб топилган уруғлик чигит тўдаларининг тарқатилишини ҳамда қарийб 38,6 минг гектар майдонга етказиладиган иқтисодий зарарнинг олди олинишига эришилган.

Четга экспорт қилинган жами 4 минг 339 тонна, шундан 4 минг тонна буғдой, 339 тонна унлардан намуналар олиниб, таҳлил қилинди ва 171 та сертификатлар расмийлаштирилган. Мамлакатга импорт қилинган 321 минг 633 тонна, шундан 313 минг 43 тонна буғдой, 5 минг 353 тонна ун ва 3 минг 232 тонна бошқа турдаги дон маҳсулотларидан намуналар олиниб, таҳлил қилинди ва 844 та сертификатлар расмийлаштирилган.

Январь—апрель ойларида жойларда 16 минг 162 дона қишлоқ хўжалиги, мелиорация ва йўл қурилиши техникалари давлат рўйхатига олинган. Трактор ва бошқа ўзиюрар техникаларга 11 минг 741 дона давлат рақам белгиси, 25 минг 469 дона техник паспорт, қишлоқ хўжалиги машина ва агрегатларига 6 минг 978 дона техник гувоҳнома берилган. 78 минг 953 дона техникалар мажбурий техник кўрикдан ўтказилган.

Ўтган ҳисобот даврда Инспекция марказий аппарати, ҳудудий бошқармалари ва туман бўлимларига жами 456 та мурожаатлар келиб тушган. Мурожаатларнинг 360 таси кўриб чиқилган. 178 таси қаноатлантирилган, 181 тасига тушунтириш берилган. 17 мингдан нафардан ортиқ жисмоний ва юридик шахсларнинг вакиллари қабул қилинган.

Аввалроқ Ўзбекистондаги бориш қийин бўлган ҳудудларга ун ва ун маҳсулотларини етказиб бериш маҳаллий бюджетдан қопланиши, маҳаллий тадбиркорларнинг маҳсулотлари учун биржа тўловлари 2 бараварга қисқартирилиши, 2022 йил ғалла ҳосили учун кутилаётган минимал нархлар эълон қилингани ҳақида хабар берилган.

Изоҳ
Асосий янгиликлар
Дунё
Генерал Пётр Павел Чехиянинг янги президенти этиб сайланди
Дунё
Америкадаги рус мафияси бошлиғига айланиб, Россияда ўлим топган “қонундаги ўғри” — “Япончик”. Кун хронологиясида 29 январь
Маҳаллий
Марказий банк раисининг крипто-активлар бўйича маълумоти рад этилди