AOKAda o‘tkazilgan brifingda “O‘zagroinspeksiya” axborot xizmati rahbari Xolida Shodiyeva 2022-yilning yanvar—aprel oylarida amalga oshirilgan ishlar to‘g‘risida ma’lumot berdi.
Qayd etilishicha, inspeksiya tomonidan yanvar—aprel oylarida jami 40 mingdan ziyod profilaktik tadbirlar o‘tkazilgan. Sohada qishloq xo‘jaligi xodimlariga qonun buzilishlarning oldini olish, bajarilishi lozim bo‘lgan ishlar yuzasidan targ‘ibot va tashviqot ishlari olib borilgan.
Jumladan, 43 ta “O‘zdonmahsulot” tizim korxonasi va 200 dan ortiq xususiy don korxonasining 360 nafar (muhandis-texnolog, laboratoriya boshlig‘i hamda buxgalteriya xodimi) moddiy javobgar shaxsi bilan seminarlar o‘tkazilgan. Profilaktika tadbirlari jarayonida aniq ko‘rsatmalar va amaliy choralar ko‘rib borilgan. Natijada tadbirkorlik subyektlarida qabul qilish, saqlash, qayta ishlash, realizatsiya qilish don xavfsizligi to‘g‘risidagi texnik reglament talablariga rioya qilish bo‘yicha 172 ta sodir etilishi mumkin bo‘lgan qonun buzilishi holatining oldi olingan.
Shuningdek, bug‘doyni saqlashga mos, yopiq sig‘imlarga ega don qabul qiluvchi xo‘jalik yurituvchi subyektlari belgilangan talablar asosida o‘rganilgan. O‘rganish natijasiga ko‘ra, 4 million tonnadan ortiq don saqlash sig‘imiga ega korxonalar ro‘yxati shakllantirilgan.
Tegishli tashkilot va idoralarga sohada huquqbuzarliklarni oldini olish yuzasidan 28 mingdan ziyod ogohlantiruv va 1793 ta taqdimnoma kiritilgan. 847 ta holatda materiallar qonuniy qaror qabul qilish uchun sudlarga va boshqa huquqni muhofaza qiluvchi organlarga yuborilgan.
“Urug‘chilik to‘g‘risida”gi qonun bilan inspeksiyaga berilgan vakolatlar doirasida 2022-yil hosili uchun 56 ming 38 tonna urug‘lik chigitga muvofiqlik sertifikati berilishi ta’minlangan. Shuningdek, 1 ming 933 tonna urug‘lik chigitlar tahlillar davomida ekishga yaroqsizligi aniqlangan. Buning natijasida nomuvofiq deb topilgan urug‘lik chigit to‘dalarining tarqatilishini hamda qariyb 38,6 ming gektar maydonga yetkaziladigan iqtisodiy zararning oldi olinishiga erishilgan.
Chetga eksport qilingan jami 4 ming 339 tonna, shundan 4 ming tonna bug‘doy, 339 tonna unlardan namunalar olinib, tahlil qilindi va 171 ta sertifikatlar rasmiylashtirilgan. Mamlakatga import qilingan 321 ming 633 tonna, shundan 313 ming 43 tonna bug‘doy, 5 ming 353 tonna un va 3 ming 232 tonna boshqa turdagi don mahsulotlaridan namunalar olinib, tahlil qilindi va 844 ta sertifikatlar rasmiylashtirilgan.
Yanvar—aprel oylarida joylarda 16 ming 162 dona qishloq xo‘jaligi, melioratsiya va yo‘l qurilishi texnikalari davlat ro‘yxatiga olingan. Traktor va boshqa o‘ziyurar texnikalarga 11 ming 741 dona davlat raqam belgisi, 25 ming 469 dona texnik pasport, qishloq xo‘jaligi mashina va agregatlariga 6 ming 978 dona texnik guvohnoma berilgan. 78 ming 953 dona texnikalar majburiy texnik ko‘rikdan o‘tkazilgan.
O‘tgan hisobot davrda Inspeksiya markaziy apparati, hududiy boshqarmalari va tuman bo‘limlariga jami 456 ta murojaatlar kelib tushgan. Murojaatlarning 360 tasi ko‘rib chiqilgan. 178 tasi qanoatlantirilgan, 181 tasiga tushuntirish berilgan. 17 mingdan nafardan ortiq jismoniy va yuridik shaxslarning vakillari qabul qilingan.
Avvalroq O‘zbekistondagi borish qiyin bo‘lgan hududlarga un va un mahsulotlarini yetkazib berish mahalliy budjetdan qoplanishi, mahalliy tadbirkorlarning mahsulotlari uchun birja to‘lovlari 2 baravarga qisqartirilishi, 2022-yil g‘alla hosili uchun kutilayotgan minimal narxlar e’lon qilingani haqida xabar berilgan.
Mavzuga doir:
Izoh (0)