Бодринг ҳар кун истеъмол қилинса, организмда қандай ўзгаришлар бўлади?

Ташқарида ҳаво қанчалик иссиқ бўлса, тушлик учун енгил ва янги нарсаларни, масалан, бодрингли салатни хоҳлайсиз. Бу ёзгача вазн йўқотишга ҳаракат қилаётган диетада бўлганлар учун ажойиб сабзавот, чунки унинг 100 граммда атиги 16 килокалория мавжуд. Ушбу маҳсулот ҳар куни истеъмол қилинса, организмда қандай ўзгаришлар бўлади?

Организмдаги сув баланси меъёрлашади

Бодринг тахминан 95 фоиз сувдан иборат, шунинг учун у танадаги намликнинг умумий даражасини яхшилайди ва чанқоқлик ҳиссини йўқ қилади.

Ошқозон-ичак муаммолари ҳақида унутасиз

Бодринг клетчаткага бой бўлиб, ичак фаолиятига ижобий таъсир кўрсатади, ич қотиши ва бошқа муаммоларининг олдини олади.

Озиш учун ажойиб танлов

Бу сабзавот таркибида жуда кўп озуқа моддалари бўлишига қарамай, калорияси жуда паст. Худди шу клетчаткалар тўйинганлик ҳиссини сақлаб туради ва ортиқча овқатланиш хавфини камайтиради. Кечаси қорнингиз очганида сендвич ўрнига бодрингни енг. Шу тарзда вазнингизни назорат қилишингиз мумкин.

Тери ҳолатини яхшилайди

Бодрингда синк, калий, Б, C витаминлари ва юз терисига ижобий таъсир кўрсатадиган ҳамда қариш белгиларига қарши курашадиган бошқа озиқ моддалар мавжуд. Бу сабзавотни нафақат истеъмол қилиш, балки патч сифатида ҳам ишлатиш мумкин.

«Ҳар куни бодринг истеъмол қилиш яхши, чунки у асосан сувдан иборат. Агар кўпроқ есангиз ҳам, танага зарар келтирмайди. Аксинча, қоматингизни сақлашга ва рационингиздан кераксиз овқатларни йўқ қилишга ёрдам беради», — дейди диетолог Маниша Чопра.