Донбассда ертўлаларда жон сақлаётган кексалар, Киевда Россия ҳарбийлари устидан суд жараёни. Урушнинг 84-кунидан фоторепортаж
Киевда уч ойлик танаффусдан сўнг АҚШ элчихонаси ўз фаолиятини қайта бошлади. «Азовсталь»да асирга олинган украиналик ҳарбийлар Ростов вилоятига етказилди; «161.ru» нашри манбасига кўра, улардан «Азов» полкига алоқадор деб тан олинганлари судланади. Россия армияси Донбассда ҳужумни давом эттирди, артиллериядан Славянск, Северодонецк ва Запорожьега зарба берилди. Кечқурун эса Россиянинг Курск вилояти ўққа тутилди. Meduza урушнинг 84-кунига оид суратларни жамлади.
Северодонецкда от етаклаб кетаётган одам.Фото: AFP
Ҳимоя кийимидаги украиналик ҳарбийлар Варваровка қишлоғида (ЛХР назорати остида) ҳалок бўлган қуролдошларининг жасадларини йиғиб олмоқда.Фото: «ТАСС»
Мариупол
Вайрон бўлган Мариупол марказий туманининг юқоридан олинган тасвири.Фото: AFP
Киев
Суми вилоятидан бўлган Александр Шелиповнинг беваси Катерина Шелипова турмуш ўртоғини ўлдирганликда айбланаётган россиялик 21 ёшли ҳарбий Вадим Шишимариннинг судида.Фото: Reuters
Россиялик аскар Вадим Шишимарин суд залида. Асирга олинган аскар 62 ёшли Александр Шелиповни ўлдиришда айбланмоқда. Шишимарин ўз айбига иқрор бўлди, у умрбод қамоқ жазосига ҳукм қилиниши мумкин.Фото: AFP
Харьков вилояти
Олховкадаги вайрон бўлган мактаб синфида ёниб кетган стуллар сочилиб ётибди. Яқин вақтгача бу ҳудуд фронт чизиғида эди.Фото: Getty Images
Украина ҳарбийлари Харьков вилояти шарқида Россия позицияларига миномётлардан ўқ узишга ҳозирлик кўрмоқда.Фото: AP Photo
Харьков яқинидаги Малая Роган қишлоғида маҳаллий аҳоли томонидан қазилган қабрда «бу ерда россиялик босқинчи дафн этилган» деб ёзилган.Фото: AFP
Украина суд-тиббиёт экспертлари Харьков яқинида ҳалок бўлган россиялик аскарларнинг жасадларини йиғмоқда.Фото: EPA
Малая Роган қишлоғи яқинида украиналик суд-тиббиёт экспертлари томонидан топилган автомат. У Россияники экани тахмин қилинмоқда.Фото: AFP
Изоҳ (0)