Инфляциянинг ўсиши ва иқтисодиётнинг секинлашувидан қийналаётган дунёда Буюк Британия алоҳида ўрин тутади. У ривожланган мамлакатларнинг стагфляция пойтахти бўлиш йўлида турибди. Bloomberg нашри қандай қилиб Буюк Британия стагфляция давлатига айланиши мумкинлигини таҳлил қилди.
Стагфляция — секин иқтисодий ўсиш ва нисбатан юқори ишсизлик ёки иқтисодий турғунлик билан тавсифланувчи ҳолат. Бу эса бир вақтнинг ўзида инфляция билан бирга келади. Стагфляцияни муқобил равишда ялпи ички маҳсулотнинг пасайиши билан аниқлаш мумкин.
Глобал қийинчиликлар юзага келганда, Буюк Британия кўпроқ азият чекади. Бунинг сабаби мамлакат иқтисодиёти бошқаларга қараганда кўпроқ барқарорликка эга эмаслигидадир.
Бу ўз вақтида юқори самарадорлик хавфини келтириб чиқариб, келажакка сармоя киритишдан кўра кўпроқ харажатларни камайтиришга қаратилган маданият натижасидир.
Буюк Британиядаги инфляция тўлқини АҚШ ва Европадагидан кўра ёмонроқ бўлади, — дейди ХВЖнинг Европа директори Алфред Каммер,Буюк Британиядаги газнинг деярли ярми Шимолий денгиздан олинадиган маиший газдир. Мамлакатда айнан бу газни сақлаш жойи мавжуд эмас.
Сўнгги бир неча ҳафта ичида Буюк Британия фойдаланиш мумкин бўлганидан анча кўп суюлтирилган газни импорт қилди.
Буюк Британиядаги газ нархи ҳозир континентал Европаникидан 33 фоизга қиммат. Баъзи таҳлилчиларнинг фикрига кўра Brexit импортни қисқартириш орқали иш ҳақи ва нархларни кескинлаштирган бўлиши мумкин.
Пандемия бошланганидан бери ишчилар сони 440 минг кишига қисқарди. Бунинг деярли ярми Европа Иттифоқи ишчиларининг камайиши билан боғлиқ бўлиши мумкин.
Аввалроқ Буюк Британиядаги инфляция 40 йиллик максимал даражага етгани ҳақида хабар берилган эди.
Изоҳ (0)