Namangan viloyati hududidan o‘tgan 4R-112 avtomobil yo‘lida sodir bo‘lgan yo‘l-transport hodisasi oqibatida bir fuqaro halok bo‘ldi. Bu haqda viloyat IIB YHXB axborot xizmati xabar berdi.
Ma’lum qilinishicha, “Farg‘ona halqa yo‘li” avtomobil yo‘lining 93-kilometrida harakatlanib ketayotgan Gentra avtomashina haydovchisi boshqaruvni yo‘qotib, qarama-qarshi tarafdan harakatlanib kelayotgan Cobalt avtomashinasi bilan to‘qnashuv sodir etgan. Oqibatda Gentra haydovchisi voqea joyida vafot etgan. Cobalt avtomashinasi haydovchi hamda yo‘lovchisi shifoxonaga yotqizilgan.
Hozirda holat yuzasidan tergovga qadar surishtiruv harakatlari olib borilmoqda.
Avvalroq Namanganda 6 yashar bolani Gentra urib ketgani, Toshkentda Cobalt va Spark to‘qnashgani, Urganchda ikki kishining o‘limiga sababchi bo‘lgan YTH yuzasidan jinoyat ishi qo‘zg‘atilgani to‘g‘risida xabar berilgandi.
Izoh (0)