Техник муаммолари сабабли биткоин 45 200 долларгача тушиб кетди

Дунёдаги энг йирик криптовалюта бугун тушгача 3,3 фоизга пасайиб, 44 252 доллар бўлиб қолган эди. Кейинчалик секин аста кўтарила бошлади ва ҳозирда унинг нархи 45 240 доллар бўлиб турибди. Биткоин ҳафта бошидан бери 4 марта пасайиш тенденциясида. Бу ҳақда Bloomberg хабар бермоқда.

Душанба куни биткоин 48 минг долларгача кўтарилган эди. Бу ушбу криптовалюта учун йил бошидан бери энг баланд кўрсаткич.

Биткоин ва бошқа рақамли активлар бир кечада турли омиллар туфайли пасайиб кетди. Техник жиҳатдан, бозорларда криптовалюталар ҳаддан ташқари кўп сотиб олинмоқда. Биз вазият мўътадиллашишини кутмоқдамиз, — дейди Alpha Impact ижтимоий савдо платформасининг бош ижрочи директори Хайден Хьюз.

JPMorgan таҳлилчиларининг фикрига кўра, бозор динамикаси ва активларнинг доллар каби анъанавий валюталарга боғланганлиги ҳам нархлар ошишига олиб келиши мумкин. 

Forbes нашри эса биткоин нархининг тушишига бозорларнинг криптовалюталарга ҳали тайёр эмаслигини сабаб қилиб кўрсатган.