Россия президенти Владимир Путин Тожикистон давлат раҳбари Эмомали Раҳмон билан Афғонистон атрофидаги вазиятни муҳокама қилди. Бу ҳақда Кремль хабар берган.
Қайд этилишича, икки давлат раҳбарлари сўнгги вақтларда Афғонистон ҳудудида террорчилик гуруҳларининг фаоллашуви кузатилаётгани, тожик-афғон чегарасида хавфсизликни таъминлашда ўзаро ҳамкорлик қилиш борасида фикр алмашган.
8 майда ИШИД террорчилик ташкилоти жангарилари томонидан Тожикистонга қарата еттита реактив ракета учиргани хабар қилинган. Манбалар ракеталарнинг парвози Афғонистон шимолидаги Тахар вилоятидан амалга оширилгани тўртта снаряд Амударё ўзанларидан бири бўлган Панж дарёсига қулагани, яна учтаси эса дарё атрофидаги ўрмонга тушганини билдирган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)