Футбол бўйича Германия Бундеслигасининг 33-туридан ўрин олган ўйинлар 7 май, шанба куни бўлиб ўтди.
«Боруссия Д» сафарда «Гройтер» билан баҳс олиб борди. Учрашувнинг 26-дақиқасида Юлиан Брандт ҳисобни очди. 70-дақиқада Жессик Нганкам мувозанатни тиклади. Орадан 2 дақиқа ўтиб, Брандт яна гол урди ва дортмундликларни ҳисобда олдинга олиб чиқди.
77-дақиқада Феликс Паслак Нико Шулснинг узатмасидан сўнг дарвозани ишғол қилди. 85-дақиқада Жуд Беллингҳам ҳам ўз ҳисобига гол ёздирганди. Аммо ҳакам томонидан ушбу гол инобатга олинмади.
«Боруссия Д» очколари сонини 66 тага етказиб, Бундеслигада 2-ўринда бормоқда, «Гройтер» эса 18 очко билан 18-поғонани банд этиб турибди.
Бундеслига
33-тур баҳслари
7 май, шанба
«Гройтер» – «Боруссия Д» 1:3
Голлар: 0:1 – 26 Брандт, 1:1 – 70 Нганкам, 1:2 – 72 Брандт, 1:3 – 77 Пасслак.«Гройтер»: Линде, Аста (Bauer, 71), Виргевер, Грисбек, Иттер, Левелинг, Кристиансен (Дужяк, 87), Тиллманн (Зегуин, 78), Рашл (Грин, 71), Ҳргота, Нганкам (Абиама, 88).
«Боруссия Д»: Ҳиц, Жан, Аканжи, Загаду, Геррейру (Шулс, 68), Вольф (Пасслак, 67), Витцель, Брандт, Беллингҳем, Ройс (Ферай, 90+2), Ҳоланд (Мукоко, 86).
Огоҳлантиришлар: Тиллманн (51), Аканжи (81).
Изоҳ (0)