Futbol bo‘yicha Germaniya Bundesligasining 33-turidan o‘rin olgan o‘yinlar 7-may, shanba kuni bo‘lib o‘tdi.
“Borussiya D” safarda “Groyter” bilan bahs olib bordi. Uchrashuvning 26-daqiqasida Yulian Brandt hisobni ochdi. 70-daqiqada Jessik Ngankam muvozanatni tikladi. Oradan 2 daqiqa o‘tib, Brandt yana gol urdi va dortmundliklarni hisobda oldinga olib chiqdi.
77-daqiqada Feliks Paslak Niko Shulsning uzatmasidan so‘ng darvozani ishg‘ol qildi. 85-daqiqada Jud Bellingham ham o‘z hisobiga gol yozdirgandi. Ammo hakam tomonidan ushbu gol inobatga olinmadi.
“Borussiya D” ochkolari sonini 66 taga yetkazib, Bundesligada 2-o‘rinda bormoqda, “Groyter” esa 18 ochko bilan 18-pog‘onani band etib turibdi.
Bundesliga
33-tur bahslari
7-may, shanba
“Groyter” – “Borussiya D” 1:3
Gollar: 0:1 – 26 Brandt, 1:1 – 70 Ngankam, 1:2 – 72 Brandt, 1:3 – 77 Passlak.“Groyter”: Linde, Asta (Bauer, 71), Virgever, Grisbek, Itter, Leveling, Kristiansen (Dujyak, 87), Tillmann (Zeguin, 78), Rashl (Grin, 71), Hrgota, Ngankam (Abiama, 88).
“Borussiya D”: Hits, Jan, Akanji, Zagadu, Gerreyru (Shuls, 68), Volf (Passlak, 67), Vitsel, Brandt, Bellinghem, Roys (Feray, 90+2), Holand (Mukoko, 86).
Ogohlantirishlar: Tillmann (51), Akanji (81).
Izoh (0)