Ижтимоий тармоқларда Шавкат Мирзиёев сурати туширилган олтин тангалар расмлари тарқалди. Ўзбекистон Марказий банки ҳолатга муносабат билдириб, президент шахсига бағишланган қимматбаҳо металлардан тайёрланган тангалар ёки банкнотлар муомалага чиқарилмаганини маълум қилди.
Таъкидланишича, Марказий банки томонидан юбилей саналари, тарихий ва замонавий даврнинг муҳим воқеаларига бағишланган қимматбаҳо металлардан тайёрланган тангалар муомалага чиқарилиб, улар тўғрисидаги маълумотлар Марказий банкнинг расмий веб-сайтига жойлаштирилиб келинади.
«Бугунги кунда Марказий банк томонидан президент шахсига бағишланган қимматбаҳо металлардан тайёрланган тангалар ёки банкнотлар муомалага чиқарилмаганини билдирамиз», — дейилади муносабатда.
Аввалроқ Марказий банк ижтимоий тармоқларда тарқалган 20 рақами туширилган банкнота пул белгиси ҳисобланмаслигини маълум қилганди.
Изоҳ (0)