Урушнинг 70-куни ўтди. Россия қўшинлари Мариуполдаги «Азовсталь» ҳудудига бостириб кирди. Заводни штурм қилиш бошланган. Еврокомиссия Россияга қарши санкцияларнинг олтинчи пакетини эълон қилди , Россия нефтига эмбарго қўйиш муҳокама қилинмоқда. Кремль умумий сафарбарлик жор қилиш эҳтимолини рад этди. Meduza 4 май куни уруш зонасидан олинган суратларини жамлади .
Донецк
Донецкдан 15 километр узоқликда жойлашган, ДХР назорати остидаги нефтбазада ёнғин чиқди. База Украина Қуролли кучлари томонидан ўққа тутилган. Фото: «ТАСС»
Ёнғин хизмат машиналарига ҳам ўтган. Макеевка мери Владислав Ключаровнинг айтишича, 10 киши жароҳатланган. Фото: AP Photo
Нефтьбазадаги ўт ўчирувчи. Фото: «ТАСС» Львов
Львовнинг ўққа тутилиши оқибатлари. Кетма-кет ракета ҳужумлари оқибатида камида икки киши жароҳатланган. Россия Мудофаа вазирлиги темир йўл яқинидаги электр подстанциялар ишдан чиқарилганини маълум қилди. Фото: AFP
Олов остида қолган электр подстанцияси. Львов мери Андрей Садовийнинг айтишича, шаҳарнинг айрим ҳудудларида электр энергияси узилган. Фото: Reuters Донбасс шимоли
Доброполеда отишмалар пайтида синган дераза ойналари ўрнига фанер ва пластик плёнкалар ўрнатилган. Фото: AFP
Покровскийдаги черковнинг хайрия марказида руҳоний Олегнинг рафиқаси Евгения эвакуация қилинганларни қабул қилмоқда. Бу ерга фронтга яқин бўлган ҳудудлар аҳолиси келади. Фото: AFP
Олегнинг қизи 9 яшар Саша смартфон ёрдамида уй вазифасини бажармоқда. Уруш бошланганидан бери у онлайн дарс олади. Фото: AFP Мариупол
Уйи ҳовлисида овқат тайёрлаётган эркак. Шаҳар Донецк халқ республикаси назорати остида. Фото: AP Photo
«Азовсталь» металлургия заводидан кўтарилаётган тутун. Ўққа тутилгандан сўнг, завод ҳудудида яна жанглар бошланди. Украина расмийлари Россия қўшинларининг ҳудудга кирганини хабар қилди. Фото: AP Photo Киев
Жангда ҳалок бўлган украиналик ҳарбий хизматчининг қизи София шаҳар марказидаги Олтин гумбазли Авлиё Михаил соборида отасини хотирламоқда. Фото: Reuters