iPhone 14 линейкасидан ўрин оладиган смартфонларнинг тахминий нархлари эълон қилинди. Plus моделлари қайтиши мумкин

Apple компанияси 2022 йилнинг кузида iPhone 14 смартфонини икки хил ўлчамда — 6,1 ва 6,7 дюймда тақдим этади, деб хабар беради Hi-Tech.Mail.ru.

Компания тақдимотга қадар моделларининг маркетинг номларини сир сақлашга уринмоқда. Айрим таҳлилчилар «Plus» номли қурилмалар қайтишини тахмин қилмоқда.

Apple стратегиясидан келиб чиқиладиган бўлса, компания 6,1 дюймли иккита iPhone’ни тақдим этади ва улардан бири «Pro» қўшимчасига эга бўлади. Линейкадаги энг катта модель ўлчами 6,7 дюймга етади — iPhone 14 Pro Мах. Шунингдек, компания биринчи марта 6,7 дюймли дисплейга эга смартфонни «Pro» номисиз тақдим этади.

Афтидан, янги қурилма икки хил ўлчамга эга дисплейли қурилмаларни тўрт хил нархда сотувга чиқаради. Минг-Чи Куо исмли инсайдер 2022 йилги смартфонлар қанча қийматда сотувга чиқиши мумкинлигини прогноз қилди.

iPhone 14 линейкаси:

• iPhone 14 — 799 доллар;
• iPhone 14 Мах — 899 доллар;
• iPhone 14 Pro — 999 доллар;
• iPhone 14 Pro Мах — 1099 доллар.

Мантиқан ўйлаб қаралса, Apple катта экранга эга ҳамёнбоп модель тақдим этишни режалаштирмоқда. iPhone 14 Plus сўнгги йиллардаги энг оммавий моделга айланиши мумкин.