Oppo К10 5G — MediaTek’нинг янги процессори базасида яратилган дунёдаги биринчи смартфон. Dimensity 8000 Мах ўзидан олдинги версиядан частоталари сони камайтирилгани билан билан фарқ қилади, деб хабар беради GizmoChina.
Қўшимча уланишлари борасида Oppo гаджетга энг тезкор Wi-Fi 6 ва 5G’ни, LPPDР5 тезкор хотираси ва UFS 3.1 ички хотирани ўрнатган бўлиб, бу ўйин вақтидаги ҳар қандай узилишларнинг олдини олишга хизмат қилади.
Oppo К10 5G смартфони 120 герцли янгиланиш частотаси ва максимал ёруғлиги 600 нит бўлган, FHD сифатни қўллаб-қувватловчи 6,59 дюймли LTPS-дисплей билан жиҳозланган. Қурилма ичидан ўрин олган сиғими 5000 мА/соатга тенг аккумулятор 67 ваттли тезкор қувватланиш имкониятига эга.
Ўйин жараёни ёқимли кетиши учун тактил ҳиссиётни инобатга олмасдан бўлмайди. Айнан шу сабабли Oppo К10 5G’га Х ўқи бўйича вибрация берувчи двигатель ўрнатилган. Вибромотор тизимини яратишга Razer компанияси жалб этилган.
Oppo К10 Prо — янги линейкадаги яна бир смартфон. Унга Qualcomm Snapdragon 888 процессори, 120 герцли частота ва 1300 нит максимал ёруғликни тақдим этувчи 6,62 дюймли Samsung E4 OLED дисплейи ўрнатилган. Аккумулятори ҳам юқоридагидек, бироқ қувватланиш тезлиги ортган — 80 ватт.
Смартфонга худди базавий моделдаги каби Android 12 нинг ColorOS 12 операцион тизими ўрнатилади.
Oppo К10 5G:
- 8 ГБ+128 ГБ — 1999 юань (302 доллар);
- 8 ГБ+256 ГБ — 2199 юань (332 доллар);
- 12 ГБ+256 ГБ — 2499 юань (377 доллар).
- 8 ГБ+128 ГБ — 2499 юань (377 доллар);
- 8 ГБ+256 ГБ — 2799 юань (423 доллар);
- 12 ГБ+256 ГБ — 3199 юань (483 доллар).
Аввалроқ Oppo компанияси 5G алоқа тармоғига эга ҳамёнбоп смартфонини сотувга чиқарганди.
Изоҳ (0)