Apple kompaniyasi 2022-yilning kuzida iPhone 14 smartfonini ikki xil o‘lchamda — 6,1 va 6,7 dyuymda taqdim etadi, deb xabar beradi Hi-Tech.Mail.ru.
Kompaniya taqdimotga qadar modellarining marketing nomlarini sir saqlashga urinmoqda. Ayrim tahlilchilar “Plus” nomli qurilmalar qaytishini taxmin qilmoqda.
Apple strategiyasidan kelib chiqiladigan bo‘lsa, kompaniya 6,1 dyuymli ikkita iPhone’ni taqdim etadi va ulardan biri “Pro” qo‘shimchasiga ega bo‘ladi. Lineykadagi eng katta model o‘lchami 6,7 dyuymga yetadi — iPhone 14 Pro Max. Shuningdek, kompaniya birinchi marta 6,7 dyuymli displeyga ega smartfonni “Pro” nomisiz taqdim etadi.
Aftidan, yangi qurilma ikki xil o‘lchamga ega displeyli qurilmalarni to‘rt xil narxda sotuvga chiqaradi. Ming-Chi Kuo ismli insayder 2022-yilgi smartfonlar qancha qiymatda sotuvga chiqishi mumkinligini prognoz qildi.
iPhone 14 lineykasi:
- iPhone 14 — 799 dollar;
- iPhone 14 Max — 899 dollar;
- iPhone 14 Pro — 999 dollar;
- iPhone 14 Pro Max — 1099 dollar.
Mantiqan o‘ylab qaralsa, Apple katta ekranga ega hamyonbop model taqdim etishni rejalashtirmoqda. iPhone 14 Plus so‘nggi yillardagi eng ommaviy modelga aylanishi mumkin.
Izoh (0)