O‘zbekiston Moliya vazirligi choraklik va yillik moliyaviy hisobotlarni taqdim etish muddatlari to‘g‘risidagi nizom loyihasini tayyorlab, uning muhokamasini o‘tkazmoqda. Bu haqda vazirlik matbuot xizmati xabar berdi.
“Buxgalteriya hisobi to‘g‘risida”gi qonunga asosan moliyaviy hisobotni taqdim etish muddatlari Moliya vazirligi tomonidan belgilanadi. Bugungi kunda “Choraklik va yillik moliyaviy hisobot taqdim etish muddatlari to‘g‘risidagi nizomni tasdiqlash haqida”gi moliya vazirining buyrug‘i loyihasi ishlab chiqilib, manfaatdor vazirlik, idora va jamoat birlashmalari bilan kelishish uchun yo‘llangan.
Mazkur buyruq loyihasi bilan moliyaviy hisobotni davlat organlariga taqdim etish muddatlari belgilanmoqda. Bunda moliyaviy hisobotni tayyorlash davriyligi va tuzish muddatlari tadbirkorlik subyektlari tomonidan mustaqil belgilanadi.
Buyruq loyihasi bilan moliyaviy hisobot taqdim etish muddatlari qayta ko‘rib chiqilib, uzaytirilmoqda.
Buxgalteriya hisobining milliy standartlari asosida moliyaviy hisobot tayyorlaydigan tadbirkorlik subyektlari tomonidan moliyaviy hisobot taqdim etishning quyidagi muddatlari belgilanmoqda:
- yillik hisobot uchun — hisobot yilidan keyingi yilning 1-aprelidan kechiktirmay;
- choraklik hisobot uchun — hisobot choragi tugagandan keyin 40 (qirq) kun mobaynida.
- yillik hisobot uchun — hisobot yilidan keyingi yilning 15-iyunidan kechiktirmay;
- choraklik hisobot uchun — 2023-yildan boshlab, hisobot choragi tugagandan keyin 40 (qirq) kun mobaynida.
Shuningdek, mazkur buyruq loyihasi bilan amalda bo‘lgan Choraklik va yillik moliyaviy hisobotni taqdim etish muddatlari to‘g‘risidagi nizom o‘z kuchini yo‘qotishi belgilanmoqda.
Hujjat loyihasi bilan quyidagi havola orqali tanishishingiz mumkin. Loyiha bo‘yicha fikr-mulohazalar ifrs@mf.uz elektron pochta manzili orqali qabul qilinadi.
Izoh (0)