Қирғизистон Бош прокуратураси давлат раҳбари Садир Жапаровни сўроққа чақирди, деб хабар бермоқда «Вести.кг» нашри.
Прокуратура матбуот хизматининг нашрга маълум қилинишича, президент бугун, 27 апрель куни сўроқ қилиниши керак.
«Садир Жапаров 2010 йил июнь воқеалари юзасидан олиб борилаётган иш бўйича гувоҳ сифатида сўроққа чақирилди», — дейилади муассаса хабарида.
Аввалроқ Қирғизистон Миллий хавфсизлик давлат қўмитаси раҳбари Қамчибек Ташиев худди шу иш бўйича сўроқ қилинганди.
2010 йилнинг июнь ойида Қирғизистон жанубида миллатлараро тўқнашувлар содир бўлган. Бунинг оқибатида юзлаб фуқаролар ҳалок бўлган, минглаб одамлар тан жароҳати олган.
Садир Жапаров Миллий хавфсизлик давлат қўмитасига ўша фожиаларга оид материалларни ўрганишни топширганди.
Изоҳ (0)