АҚШда Lamborghini ишқибози Honda’ни Diablo GT нусхасига айлантирди (фото)

АҚШда Lamborghini ишқибози ўзининг Аcurа NSX автомобилини Италия моделига айлантиришга муваффақ бўлди, деб хабар беради «Motor».

1999—2000 йилларда Lamborghini Diablo суперкари рестайлинг қилингач, 575 от кучини тақдим этишга қодир 6 литрли V12 двигатели ўрнатилган GT версиядан 83 та купе ясалган.

Сотувчининг сўзларига кўра, 1991 ASPT номли машина (1991 йилда «эҳтиёт қисмлардан йиғилган») стандарт Honda NSX шассисидан ташкил топган. Унга кузов деталлари — «гилётина» каби очилувчи эшиклар, Lamborghini’нинг оригинал элементрлари ёки Италия автомобиль ишлаб чиқарувчисининг япон купесига мослаштирилган эҳтиёт қисмлари ўрнатилган.

Техник жиҳатдан 1991 ASPT базавий моделни тўлиқ такрорлайди. Motor бўлмаси V12 двигателига мослаштирилган бўлса-да, купега 270 от кучили V6 ўрнатилган ва у механик узатмалар қутиси ёрдамида бошқарилади.

Сотувчи ўзининг қўлбола Lamborghini Diablo GT’сини сотишга тайёр. Унинг таъкидлашича, мазкур машинага хизмат кўрсатиш оригинал Италия суперкаридан арзонга тушади ва ташқи кўриниши жиҳатидан уни ҳақиқийсидан ажратиб бўлмайди. Қўлбола модель камида 175 минг долларга баҳоланмоқда.

Аввалроқ сўнгги Lamborghini Aventador аукцион орқали 1,6 млн долларга сотилгани, Lamborghini эмблемаси бриллиантдан ишланиб, 40 минг долларга баҳолангани тўғрисида хабар берилганди.