Давлат хавфсизлик хизмати ва Ички ишлар вазирлиги ходимлари ҳамкорлигида ўтказилган тезкор-қидирув тадбирлари натижасида Тошкент шаҳрида фаолият юритувчи МЧЖ томонидан тегишли рухсатномага эга бўлмасдан, фуқароларни Тошкент—Дубай—Жидда йўналиши орқали Умра зиёратига юбориш ҳолати аниқланди. Бу ҳақда ДХХ ахборот хизмати хабар қилди.
Хусусан, МЧЖ ходими Х.А. Наманган вилоятида яшовчи икки фуқаронинг ишончига кирган ҳолда уларни 6200 доллар эвазига Умра сафарига жўнатишни ваъда қилгани аниқланган. У олдиндан 3100 доллар олган вақтида ушланган.
Тезкор тадбир давом эттирилиб, МЧЖ офиси ва ходимларининг автомашиналари текширилган. Натижада жами 116 нафар фуқаронинг хорижга чиқиш паспортлари борлиги аниқланиб, процессуал тартибда расмийлаштириб олинган.
Шунингдек, 66 нафар фуқарони Умра сафарига юбориш мақсадида улардан жами 162 минг доллар олингани ҳам маълум бўлган.
МЧЖ ўз мижозларини Бирлашган Араб Амирликлари ва Саудия Арабистони Қироллиги ўртасидаги давлат чегарасидан ўтказишда Марказий Осиё республикаларининг сохта фуқаролик паспортларидан фойдаланиш механизмини йўлга қўйган.
Ҳозирда ҳолат юзасидан МЧЖ масъулларига нисбатан Жиноят кодексининг тегишли моддаси билан қўзғатилган жиноят иши доирасида тергов ҳаракатлари олиб борилмоқда.
Мавзуга доир:
- Тошкентда 2,2 минг доллар эвазига фуқароларни сохта паспортлар ёрдамида Умра зиёратига жўнатиб келганлар ушланди
- Фарғона ва Бухорода чет элга виза тайёрлаб беришни ваъда қилиб, фуқаролар пулини фирибгарлик йўли билан олган шахслар ушланди
- Наманганда 20 дан ортиқ фуқарони Жанубий Кореяга жўнатишни ваъда қилиб, 6200 доллар олган шахс ушланди
Изоҳ (0)