Ҳукумат қарори билан Миллий гвардия қўмондонига янги ўринбосарлар тайинланди. Бу ҳақда Telegram’даги «Ҳуқуқий ахборот» канали хабар қилди.
Қайд этилишича, Адҳамжон Сормонқулов Миллий гвардия қўмондонининг жанговар ва махсус тайёргарлик бўйича ўринбосари лавозимига тайинланган.
Шунингдек, Сарвар Мамаюсупов Миллий гвардия қўмондонининг тарбиявий ишлар, кадрлар ва ёшлар масалалари бўйича ўринбосари лавозимига тайинланган. Шу кунгача у Миллий гвардия қўмондонининг ёшлар билан ишлаш масалалари бўйича ўринбосари лавозимида фаолият юритиб келган.
Аввалроқ Туризм ва маданий мерос вазирига уч нафар ўринбосар тайинлангани, Отабек Чориев Давлат божхона қўмитаси раисига ўринбосар бўлгани, Самарқанд вилояти ИИБ ЙҲХБга янги раҳбар тайинлангани хабар қилинганди.
Изоҳ (0)