Тошкент шаҳри Учтепа туманида «Николай-5» тилла тангасининг сохта нусхаларини сотаётган фирибгар ушланди, деб хабар бермоқда Иқтисодий жиноятларга қарши курашиш департаменти.
Қайд этилишича, Бош прокуратура ҳузуридаги департаментнинг Учтепа туман бўлими ҳамда Ички ишлар вазирлиги ходимлари томонидан тезкор тадбир ўтказилган. Унда фуқаро А.К. бошқа бир фуқаро М.ни қадимий тилла тангаларни ўтказиш орқали даромад орттиришга қизиқтириб, тилларанг кўринишидаги 20 дона тангани «Николай-5» тилла тангаси деб ҳар бирини 300 доллардан ҳисоблаб, жами 6 минг долларга сотган вақтида ашёвий далиллар билан ушланган.
Ҳолат юзасидан Жиноят кодексининг 168-моддаси (фирибгарлик) ва 177-моддаси (валюта қимматликларини қонунга хилоф равишда олиш ёки ўтказиш) билан жиноят иши қўзғатилган. Ҳозирда тергов ҳаракатлари ўтказилмоқда.
Изоҳ (0)