АТБ InfinBANK ва ампутантлар ўртасида футбол бўйича Ўзбекистон терма жамоасининг базавий жамоаси ҳисобланган «Матонат футбол» ногирон-ампутантлар футболининг ривожланиш маркази ўртасида ҳомийлик тўғрисида келишувнинг расмий имзоланиш маросими бўлиб ўтди.
Бу йил ўзининг 15 йиллигини нишонлаётган АТБ InfinBANK корпоратив маданиятида спорт анъаналари алоҳида ўрин тутади. Банкнинг мини-футбол бўйича терма жамоаси бир неча йилдан бери Ista Futsal League ҳаваскорлар лигасида иштирок этмоқда. Шунингдек, банк ҳар хил спорт ташаббуслари ва ташкилотларига ҳомийлик кўрсатиб келмоқда. Масалан, ўтган йили InfinBANK Ўзбекистон поло федерацияси ҳамда илк бор «Матонат футбол» ногирон-ампутантлар футболининг ривожланиш маркази учун ҳомийлик қилди. 2022 йилда банк ушбу ташкилотларни қўллаб-қувватлашда давом этмоқда.
«Матонат» футбол клуби узоқ ва ёрқин тарихга эга. У 1988 йилда ташкил этилган, унинг базасида эса халқаро турнирлар ва учрашувларда Ўзбекистонни ифода этувчи ногирон-ампутантлар ўртасида футбол бўйича миллий терма жамоа шаклланди. Мамлакатимиз терма жамоаси бу даврда беш марта жаҳон чемпиони бўлди ва дунёнинг энг кучли жамоаларидан бири ҳисобланади. Матонатчилар терма жамоа таркибида 1990 (АҚШ), 1991 (Ўзбекистон), 2007 (Туркия), 2010 (Аргентина) ва 2012 (Россия) йилларда жаҳон чемпионатининг олтин медалини, шунингдек, 1988 йилда кумуш медали ҳамда 2002 йилда бронза медалини қўлга киритишган. 2022 йил март ойида Ўзбекистон терма жамоаси Осиё биринчи чемпионатининг саралаш босқичида иккинчи ўринни эгаллади ва жаҳон биринчилигига йўлланмани қўлга киритди.
Марказнинг бу йилги режаларида сентябрь ойида, Бухорода Ўзбекистон мустақиллиги кубоги учун турнир ташкил этиш, шунингдек, октябрь ойида Туркияда бўлиб ўтадиган жаҳон чемпионатида иштирок этишдир.
Тантанали имзолаш маросимида «Матонат футбол» маркази раиси Рустам Меҳмонов InfinBANK раҳбариятига кўрсатилаётган молиявий қўллаб-қувватлаш учун миннатдорлик изҳор этди, бунинг натижасида жамоа жаҳон чемпионатида иштирок этишга буюртмани тўлаш имкониятига эга бўлганлигини таъкидлади. InfinBANK бошқаруви раисининг биринчи ўринбосари Ольга Нуманова ўз навбатида жамоа аъзоларига олдинда турган турнирларда омад тилади.
Реклама ҳуқуқи асосида.
Изоҳ (0)