Moody’s Investors Service агентлиги Alfa Invest суғурта компанияси суғурталовчининг молиявий мустаҳкамлик рейтингига «барқарор» прогнози билан «B2» даражасини берди

2022 йил 31 март куни Лондонда Moody’s Investors Service халқаро рейтинг агентлиги томонидан «Alfa Invest суғурта компанияси» АЖ га «барқарор» прогнози билан суғурталовчининг миллий ва хорижий валютада (insurance financial strength rating IFSR) «B2» даражасидаги молиявий барқарорлик рейтинги берилди.

Moody’s Investors Service ҳисоботига мувофиқ, «B2» рейтинги компаниянинг Ўзбекистонда тобора ўсиб бораётган суғурта бозоридаги барқарор позициясини, суғурта маҳсулотларининг диверсификацияланган ассортиментини, қабул қилинган хатарларга нисбатан кучли капиталлашувини, шунингдек, суғурта фаолиятининг барқарор тарихий натижаларини акс эттиради.

Бугунги кунда Alfa Invest динамикаси бўйича бозор улуши 5 дан 7 фоизгача бўлган Ўзбекистондаги йирик суғурталовчилар ўнталиги сафига киради, шунингдек, 2003 йилдан буён суғурта хизматларини тақдим этувчи Ўзбекистондаги йирик хусусий суғурта компанияларидан бири ҳисобланади. Ўзбекистон суғурта бозоридаги барқарор позицияни кенг агентлик тармоғи, Ўзбекистоннинг барча ҳудудларида филиаллари ва жадал ўсиб бораётган умумий суғурта портфелининг мавжудлиги тасдиқлайди.

Компаниянинг молиявий натижалари Grant Thornton аудиторлик ташкилотининг ижобий хулосаси билан тасдиқланган. Компаниянинг суғурта мукофотларини йиғиш бўйича ўсиш суръати 160,7 фоизга, тўловлар 132,3 фоизга, бу эса 2021 йил якунига кўра Alfa Invest барқарор динамикаси ва ривожланишини акс эттиради.

Шуни алоҳида таъкидлаб ўтиш жоизки, компания хизмат кўрсатиш ва онлайн суғуртани ривожлантиришга алоҳида эътибор қаратмоқда, шу йўсинда 2021 йилда компания сайтида E-Osago’ни расмийлаштириш имконияти ишга туширилди, бу эса мижозлар ва компания ўртасидаги ўзаро муносабатларни анча соддалаштирди.

Ўз навбатида, Alfa Invest эришилган ва эътироф этилган молиявий натижалар билан чекланиб қолмаяпти ҳамда мижозларга юқори даражали хизмат кўрсатиш, онлайн суғурта соҳасидаги инновацияларни жорий этиш, профессионаллик ва жамоавий иш, чакана савдони ривожлантиришга эътибор қаратган суғурта компанияси бўлишга интилади. Чакана бизнесга, мавжуд мижозлар билан узлуксиз ҳамкорлик ва халқаро суғурталаш, қайта суғурталаш бозорлари билан ҳамкорликни кенгайтиришга алоҳида урғу бермоқда.

Компания янгиликларини alfainvest.uz сайти ёки ижтимоий тармоқларда кузатиб бориш мумкин.

24/7 call-маркази: 1182

Telegram: t.me/AlfaInvestuz

Instagram: alfainvest.uz

Facebook: fb.com/alfainvestuzbekistan

Реклама ҳуқуқи асосида.