Uzbekistan Airways Тошкент—Сеул—Тошкент халқаро йўналиши бўйича авиақатновлар сони оширилаётгани ҳақида хабар берди.
Айни пайтда авиақатновлар пайшанба ва якшанба кунлари, 2022 йилнинг 3 майидан бошлаб эса сешанба кунлари ҳам амалга оширилади.
Жанубий Кореяга кириш учун йўловчилар ПЗР-тестнинг салбий натижасини (амал қилиш муддати 48 соат) тақдим этишлари керак.
Бундан аввал Red Wings авиакомпанияси Махачқалъадан Урганчга мунтазам рейсларни йўлга қўйилгани, Термиздан Санкт-Петербургга мунтазам авиақатновлар тиклангани ҳамда Қозоғистоннинг SCAT Airlines авиакомпанияси Наманганга илк парвозни амалга оширгани ҳақида хабар берилганди.
Изоҳ (0)