2022 йилнинг 1 апрель ҳолатига кўра Ўзбекистоннинг доимий аҳолиси 35 миллион 433 минг 772 кишини ташкил этган. Бу ҳақда Давлат статистика қўмитаси хабар берди.
Доимий аҳолининг 17 миллион 607 минг 934 нафари аёллар, 17 миллион 825 минг 838 нафари эркаклардир. 2022 йилнинг 1 апрель ҳолатига доимий аҳоли таркибидаги эркаклар сони аёллар сонидан 217 904 нафарга кўп.
Маълум қилинишича, 1991 йилда Ўзбекистондада доимий яшовчи аҳолининг 50,6 фоизини аёллар ташкил этган. Бу кўрсаткич ҳозирда 49,7 фоизни ташкил этмоқда.
Эслатиб ўтамиз, Ўзбекистонда 2022 йил 1 январь ҳолатига кўра, доимий аҳоли сони 35 271,3 минг кишини ташкил этиб, 2021 йил 1 январга нисбатан 712,4 минг кишига ёки 2,1 фоизга кўпайган. 2021 йилда Ўзбекистон бўйича 305 082 та никоҳ, 39 227 та никоҳдан ажралиш ҳолатлари қайд этилган.
Изоҳ (0)