2021 йилнинг ноябрь ойида мамлакатимиз Президенти Шавкат Мирзиёев ташаббуси билан республикада «Яшил макон» умуммиллий лойиҳаси ишга туширилди. Uzcard жамоаси ушбу дастурни истиқболли ижтимоий ташаббус ҳамда ички корпоратив маданиятни мустаҳкамлаш сифатида мамнуният ила қўллаб-қувватлади. Компания ходимлари 500 туп кўчат экишди ва Тошкент шаҳрида боғлар ҳудудини ободонлаштириш ва кўкаламзорлаштириш бўйича кенг кўламли режага асос солишди.
Uzcard фаолияти ижтимоий йўналтирилган бўлиб, у нафақат молиявий технологиялар соҳасида маҳсулот ва хизматлар сифатини яхшилаш, балки бугунги ва келажак авлодларнинг яшаш сифати боғлиқ бўлган жамият ва атроф-муҳит олдидаги масъулият назарига асосланиб қурилгандир.
2022 йил 9 апрель куни Uzcard ходимлари томонидан 500 туп кўчат экилди ва бу режалаштирилган дастурнинг муқаддимаси бўлди.
Табиатни асраб-авайлаш ҳаракати доирасида, «яшил ташаббус»ни қўллаб-қувватлаш мақсадида Uzcard катта боғ ҳудудини ободонлаштириш ва кўкаламзорлаштириш бўйича кенг кўламли дастурни татбиқ этди. Унга асосан компания томонидан ўриндиқлар ўрнатилиб, суғориш ва ёритиш тизимлари ўтказилади, аҳоли ҳордиқ чиқариши учун жойлар яратилади, пиёдалар учун йўлакчалар қилиниб, дарахт кўчатлари экилади. Бунинг учун пойтахтимизнинг Яшнобод туманида жойлашган Алимкент кўчасида 14 400 квадрат метр бўлган майдон танланди.
Кўп ходимлар ушбу ташаббусда иштирок этиш жамоани бирлаштирганини ва жипслаштирганини таъкидлаб ўтдилар, кўчатлар экилган йўлакларни эса «Uzcard хиёбони» деб номлашди. Бу ерда нафақат компания вакиллари ўз оилалари билан, балки барча хоҳловчилар келиб сайр қилишлари, спорт билан шуғулланишлари мумкин. Акцияда компаниянинг 200 нафар ходими иштирок этиб, уларнинг кўпчилиги ўз фарзандлари билан келиб, уларни болаликдан табиат бойликларига эҳтиёткорона муносабатда бўлиш, жамоавий меҳнат ва яхши амал қилишга ўргатдилар.
Uzcard жамоаси болалар ва қариялар учун республикада яшил ҳудудларни кенгайтириш қанчалик муҳимлигини тушунади ва бу лойиҳа орқали келажак авлодларга ғамхўрлик қилиш мақсадида ўз ҳиссасини қўшишга интилади.
Дўстлар, дарахтларни экиб, бу заминни янада яхши жойга айлантириш вақти келди!
Реклама ҳуқуқи асосида.
Изоҳ (0)