2021-yilning noyabr oyida mamlakatimiz Prezidenti Shavkat Mirziyoyev tashabbusi bilan respublikada “Yashil makon” umummilliy loyihasi ishga tushirildi. Uzcard jamoasi ushbu dasturni istiqbolli ijtimoiy tashabbus hamda ichki korporativ madaniyatni mustahkamlash sifatida mamnuniyat ila qo‘llab-quvvatladi. Kompaniya xodimlari 500 tup ko‘chat ekishdi va Toshkent shahrida bog‘lar hududini obodonlashtirish va ko‘kalamzorlashtirish bo‘yicha keng ko‘lamli rejaga asos solishdi.
Uzcard faoliyati ijtimoiy yo‘naltirilgan bo‘lib, u nafaqat moliyaviy texnologiyalar sohasida mahsulot va xizmatlar sifatini yaxshilash, balki bugungi va kelajak avlodlarning yashash sifati bog‘liq bo‘lgan jamiyat va atrof-muhit oldidagi mas’uliyat nazariga asoslanib qurilgandir.
2022-yil 9-aprel kuni Uzcard xodimlari tomonidan 500 tup ko‘chat ekildi va bu rejalashtirilgan dasturning muqaddimasi bo‘ldi.
Tabiatni asrab-avaylash harakati doirasida, “yashil tashabbus”ni qo‘llab-quvvatlash maqsadida Uzcard katta bog‘ hududini obodonlashtirish va ko‘kalamzorlashtirish bo‘yicha keng ko‘lamli dasturni tatbiq etdi. Unga asosan kompaniya tomonidan o‘rindiqlar o‘rnatilib, sug‘orish va yoritish tizimlari o‘tkaziladi, aholi hordiq chiqarishi uchun joylar yaratiladi, piyodalar uchun yo‘lakchalar qilinib, daraxt ko‘chatlari ekiladi. Buning uchun poytaxtimizning Yashnobod tumanida joylashgan Alimkent ko‘chasida 14 400 kvadrat metr bo‘lgan maydon tanlandi.
Ko‘p xodimlar ushbu tashabbusda ishtirok etish jamoani birlashtirganini va jipslashtirganini ta’kidlab o‘tdilar, ko‘chatlar ekilgan yo‘laklarni esa “Uzcard xiyoboni” deb nomlashdi. Bu yerda nafaqat kompaniya vakillari o‘z oilalari bilan, balki barcha xohlovchilar kelib sayr qilishlari, sport bilan shug‘ullanishlari mumkin. Aksiyada kompaniyaning 200 nafar xodimi ishtirok etib, ularning ko‘pchiligi o‘z farzandlari bilan kelib, ularni bolalikdan tabiat boyliklariga ehtiyotkorona munosabatda bo‘lish, jamoaviy mehnat va yaxshi amal qilishga o‘rgatdilar.
Uzcard jamoasi bolalar va qariyalar uchun respublikada yashil hududlarni kengaytirish qanchalik muhimligini tushunadi va bu loyiha orqali kelajak avlodlarga g‘amxo‘rlik qilish maqsadida o‘z hissasini qo‘shishga intiladi.
Do‘stlar, daraxtlarni ekib, bu zaminni yanada yaxshi joyga aylantirish vaqti keldi!
Reklama huquqi asosida.
Izoh (0)