Бугун,

  • USD 11014.01
  • RUB 191.8
  • EUR 10674.78

Футбол бўйича Германия чемпионатининг 28-туридан ўрин олган ўйинда «Бавария» 2 апрель, шанба куни «Фрайбург» билан баҳс юритди.

Фото: Getty Images

Фото: Getty Images

«Фрайбург» мезбонлигида ўтган учрашувнинг биринчи таймида дарвозалар дахлсиз қолди. Иккинчи 45 дақиқаликнинг аввалида Леон Горетцка ҳисобни очди. Орадан ҳеч қанча ўтмасдан Нилс Петерсен мувозанатни тиклашга муваффақ бўлди. Бироқ «Бавария» шундан сўнг кетма-кет 3 та гол уриб, йирик ғалабани тантана қилди. Голларни Серж Гнабри, Кингсли Коман ва Марсель Забитцер ўз ҳисобига ёздириб қўйди.

Шу тариқа Мюнхен клуби чемпионлик йўлидаги навбатдаги муҳим очколарни қўлга киритди. Ғалабадан кейин жамоанинг очколари сони 66 тага етди. Иккинчи поғонадаги «Боруссия Д»нинг ҳисобида 57 очко мавжуд. «Фрайбург» (45) эса 5-ўринни банд этиб турибди.

Бундеслига

28-тур баҳслари

2 апрель, шанба

«Фрайбург» – «Бавария» 1:4

Голлар: 0:1 – 58 Горетцка, 1:1 – 63 Петерсен, 1:2 – 73 Гнабри, 1:3 – 82 Коман, 1:4 – 90 Забитцер.

«Фрайбург»: Флеккен, Гулде (Чжон Ву Ен, 83), Линхарт, Шлоттербек, Гюнтер, Шмид (Сике, 69), Ҳефлер, Грифо, Эггештайн (Haberэр, 83), Шаллаи (Петерсен, 62), Ҳелер (Вайсхаупт, 83).

«Бавария»: Нойер, Павар (Гнабри, 73), Упамекано, Нянзу, Эрнандес, Горетцка (Толиссо, 62; Зюле, 85), Киммих, Мюллер, Левандовски (Мусиала, 62), Коман (Забитцер, 84), Сане.

Огоҳлантиришлар: Гюнтер (70), Упамекано (90).

«Байер» – «Ҳерта» 2:1

Голлар: 1:0 – 34 Аларио, 2:0 – 40 Бельараби, 2:1 – 42 Дарида.

«Айнтрахт Ф» – «Гройтер» 0:0

«Арминия» – «Штутгарт» 1:1

Голлар: 0:1 – 25, пенальти Калайжич, 1:1 – 59 Крюгер.

«Ҳоффенҳайм» – «Бохум» 1:2

Голлар: 0:1 – 28 Асано, 1:1 – 54 Раум, 1:2 – 59 Асано.

Изоҳ
Асосий янгиликлар