«Реал» трансферлар учун 300 миллион евро сарфлашга тайёр.
Бу клуб ёзги трансфер ойнаси учун ажратган маблағ бўлиб, мазкур пуллар эвазига 3 нафар футболчи билан шартнома имзолаш кўзда тутилган, деб ёзади AS.
Бу суммага «ПСЖ» ҳужумчиси Килиан Мбаппенинг трансфери ҳам киради. Франциялик футболчининг Мадрид клубига текинга ўтиши туфайли «Реал» ўйинчи учун бонус сифатида 80 миллион евро тежаб қолади.
«Қаймоқранглилар» «Боруссия Д» ҳужумчиси Эрлинг Ҳоландни ҳам кузатишда давом этмоқда. Клуб келишувни, тахминан, 150 миллион еврога ёпиш мумкин деб ҳисоблайди, бунга норвегияликнинг трансфер суммаси ва комиссия киради.
Шунингдек, «Реал» «Монако» ярим ҳимоячиси Орелен Тчуамени билан шартнома имзоламоқчи, битим 60 миллион еврога баҳоланган.
Ушбу трансферларга қўшимча равишда «қироллик клуби» «Бавария» вингери Серж Гнабрини ҳам сотиб олиши мумкин, унинг нархи 70 миллион евро атрофида баҳоланмоқда.
Агар Мбаппе, Ҳоланд ва Гнабри жамоага келса, Марко Асенсио ва Родриго Гоэс «Реал»ни тарк этиши мумкин.
Изоҳ (0)