«Манчестер Юнайтед» ярим ҳимоячиси Бруну Фернандеш болаликда биринчи кумири ким бўлганини айтди.

«Биринчи кумирим, эҳтимол, ўша даврдаги барча болаларники каби, Роналдиньо бўлган. Уни кузатиш жуда завқли эди», — деб ёзади Бруну Фернандеш Twitter саҳифасида.

Аввалроқ Фернандешнинг «Манчестер Юнайтед» билан шартномасини узайтиргани ҳақида хабар берилганди. 27 ёшли португалиялик футболчи «қизил иблислар» билан 2026 йилнинг ёзига қадар мўлжалланган янги битимга имзо чекди.

Маълумот учун, Фернандеш 2020 йилдан буён «Манчестер Юнайтед» шарафини ҳимоя қилиб келмоқда. Манчестер клуби уни 63 миллион евро эвазига «Спортинг»дан сотиб олган. Трансфермаркт портали ҳозирда футболчининг трансфер қийматини 90 миллион еврога баҳолаган. Бруну 2021/22 йилги мавсумда 27 ўйинда майдонга тушиб, 9 та ва 6 та голли узатмага муаллифлик қилди.