Украинадаги уруш давом этаётганига 37 кундан ошди. 1 апрель тонгида Белгород администрацияси нефть базасига Украина авиазарбаси келиб тушганини хабар қилди. Ёнғин оқшомга бориб бартараф этилди ва унинг оқибатида ҳеч кимга зиён-заҳмат етмади. Киев вилоятидаги тўқнашувлар давом этмоқда — Украина бир қатор аҳоли пунктларини қайтаришга муваффақ бўлган, Россия мудофаа вазирлиги Киев вилоятидаги аҳоли яшаш пунктларида мамлакат денгиз пиёдалари томонидан «тозалаш» ишлари амалга оширилаётганини билдирган. Мариуполдаги жанглар ҳам давом этмоқда, одамлар сув, газ ва электр таъминотисиз ҳаёт кечирмоқда. Meduza урушга алоқадор 1 апрель фотосуратларини тақдим қилди.
Белгороддаги нефть омборида кузатилган ёнғин. Шаҳар маъмурияти базага Украина ҳарбий вертолётлари авиазарба берганини маълум қилганФото: «ТАСС»
Она ва ўғил қабри. Марина Мет (42 ёш) ва Иван Мет (12 ёш) ҳужумлар оқибатида ҳалок бўлган. Улар қўшнилари томонидан Киев яқинидаги Ирпен ҳудудида болалар майдончасига дафн қилинганФото: AP Photo
Киевлик аёл шаҳар яқинидаги уй ҳовлисида снаряд зарбасида кейин ерда ҳосил бўлган айлана кратерни кузатмоқдаФото: AP Photo
Харьков яқинидаги Чегуевда жароҳат олган жабрдийда. У бошидан яраланган ва қишлоғига ракета зарбаси келиб тушганида бармоқларини йўқотганФото: Reuters
Зарбага учраган қишлоқ мактабидаги синфхона. Украина жанубидаги Зелений Гай қишлоғи фронт чизиғидан 5 км масофа узоқликда жойлашганФото: AFP
Қишлоқ мактабларидан бирининг вайрон бўлган синфхонасиФото: AFP
Украиналик аскарлар Киевда қолдириб кетилган Россия техникасини кўздан кечирмоқдаФото: EPA
Украина президенти Владимир Зеленский Европа парламенти раҳбари Роберто Метсола билан учрашувга етиб келмоқдаФото: Украина президентининг матбуот хизмати
Одессада Халқаро кулги куни муносабати билан ҳарбий ҳаракатларга қарши шиор ёзилган Россия кемасининг макети сув ҳавзасига туширилдиФото: Reuters
Россия—Украина урушига оид тезкор, ишончли янгиликлар ва маълумотларни «Дарё»нинг Live саҳифаси орқали кузатиб боринг → @Daryo_Live
