Бугун,

  • USD 11014.01
  • RUB 191.8
  • EUR 10674.78

Болаларнинг севимли ўйинчоғи — слайм ёпишган гиламни сақлаб қолиш мумкинми? Албатта, мумкин. Қуйидаги тавсияларга амал қилган ҳолда ушбу муаммони бартараф этинг.

Фото: «Домашний очаг»

Фото: «Домашний очаг»

Болалар ва ҳатто баъзи катталарнинг ҳам эрмагига айланган турли рангдаги слайм — ёпишқоқ массалар қўлда тайёрланади. Афсуски, бу ўйинчоқ ёпишқоқлиги туфайли уйда кўп нарсага зарар етказиши мумкин.

Слаймни гиламдан (шунингдек, кийим-кечак, соч ва мебелдан) олиб ташлаш осон иш эмас. Аммо олдиндан умидсизликка тушмаслик керак. Албатта, муаммонинг ечими бор ва сиз ўйлагандан ҳам осонроқ. Кўпгина слаймларнинг асоси елимдир, бу яхши, чунки у эрийди ва сув билан осонгина ювилади.

Слайм доғлари қанчалик тез топилса ва уни дарҳол олиб ташлаш бошланса, тозалаш имконияти шунчалик юқори бўлади.

Бунинг учун керак бўлади:

  • сув;
  • сирка;
  • тоза мато;
  • қаттиқ чўтка.
Биринчидан, иложи борича бармоқлар билан слаймни олиб ташлашга ҳаракат қилиш керак.

Фото: «Домашний очаг»

Фото: «Домашний очаг»

Кейин доғ 2:1 нисбатда сув билан суюлтирилган сирка билан артилади.

Фото: «Домашний очаг»

Фото: «Домашний очаг»

Суюқлик доғга сингиб кетсагина масса аста-секин эрий бошлаганини кўриш мумкин.

Фото: «Домашний очаг»

Фото: «Домашний очаг»

Тахминан 10-15 дақиқа кутиб, қолган слайм қаттиқ чўтка билан тозаланади Доғ тоза мато билан артиб олинади ва эритма билан яна ишқаланади.

Доғ тўлиқ йўқолгунча барчаси такрорланади. Жараён охирида гилам чангютгич билан тозаланади. Агар слайм гиламда рангли доғлар қолдирган бўлса, уларни кислородли доғларни тозалаш воситаси билан кетказиш мумкин.

Агар слайм қуриб қолган бўлса

Агар слайм ёпишганига анча вақт бўлган ва у аллақачон қуриб қолган бўлса, доғга бир парча муз қўйилади ва уни 10 дақиқага қолдирилади. Бу вақт ичида слайм музлаши ва қаттиқлашиши керак. Шундан сўнг уни гиламдан ажратишга ҳаракат қилиш лозим — бутунлигича ёки қисмларга ажратиб. Массанинг қолган қисмини сирка билан эритиб юборилади — нам слаймни тозалаш бўйича юқоридаги кўрсатмаларга амал қилган ҳолда.

Изоҳ
Асосий янгиликлар