Баъзан чиройли бўлиш учун кўп йиллик тажриба эмас, балки бир нечта лайфхакларни билиш кифоя қилади.

Туш суртаётганда доғ қолмайди

Бунинг сири оддий: агар ўнг қўл қулай бўлса, тушни ўнг томон билан ушлаш мумкин. Киприкларга уни суртишдан аввал кўз қовоғи устида қоғоз ёки салфеткани иккинчи қўл билан илдизга яқин жойда ушлаб туриш лозим.

Қалин қошлар

Ҳамёнбоп восита, канакунжут ёғидан икки ой давомида фойдаланишда қошларда ўзгариш сезилади. Пахта ёки шунчаки бармоқ билан қошларга ёғни суртиб қўйиш мумкин. Шарти фақат ҳар куни кечки пайт икки ой давомида жараённи амалга ошириш керак.

Тенни чиройли суртиш

Бунинг учун кўз қовоғининг ташқи бурчагига бир парча тасма ёпиштирилади. Унинг елимини бўшатиш учун уни бир неча марта қўлга ёпиштириб, сўнгра олиб ташлаш тавсия этилади. Шундагина тенларни суртиб бўлгач, тасмани олиш осон кечади.

Хайлайтер тайёрлаш

Агар юзга мос келадиган хайлайтер бўлмаса, шунчаки тен ичидаги мос ранг билан кўз атрофига суртиладиган кремни аралаштириб, уни ҳосил қилиш мумкин.

Қош терилганидан кейин қизаришни бартараф этади

Оддий сутга ботирилган пахта компресси барча қизаришни бир неча дақиқада бартараф этади.

Елим билан тозалаш 

Оддий ва самарали усул: Тирноқнинг чет қисмларига мутлақо хавфсиз бўлган қоғоз елими (ПВА) суртилади. Сўнгра у 10-15 дақиқа давомида қуритишга қўйилади ва ҳосил бўлган қатлам олиб ташланади. Натижада тирноқдаги лакнинг қолдиқлари бирга кўчиб чиқади.

Шишган кўзлар

Маслаҳат қадимий, аммо самарали: икки пакет чой музлаткичга қўйилади. Эрталаб кўзлар шишган ҳолда уйғонганда, чой пакетларидан компресс сифатида фойдаланиш мумкин. У қора, кўк ёки мевали чой бўладими, умуман муҳим эмас.

Кўз учун юмшоқ қаламдан фойдаланинг

Кўз жуда нозик аъзо ва унга бирор нарса қўллашда жуда эҳтиёт бўлиш лозим. Шунинг учун кўзларга мўлжалланган қалам қаттиқ ёки учи қотиб қолган бўлса, уни бироз юмшатиб, сўнгра фойдаланиш керак. Масалан, уни олов ёрдамида бироз юмшатиш мумкин.

Лакни қуритишни тезлаштиринг

Лакнинг юқори қатламига зайтун мойи томизилади ва у 15-20 дақиқада эмас, балки атиги 10 дақиқада қурийди.

Кокос ёғи сочлар учун ниқоб сифатида

Кокос ёғи бир соат давомида соч ва бош терисига суртилади, махсус шапка кийиб, уй юмушларини бажариш мумкин. Бир соатдан кейин оддий шампунь билан ювиб ташланади. Махсус косметик кокос мойи керак эмас. Дўконда уни қулай нархларга сотиб олиш мумкин.

Соч учун макияж

Агар сочлар сийрак бўлиб, бош териси кўриниб қолса, буни ниқоблаш мумкин. Қисқасини айтганда, кал бўлиб қолгандек юриш шарт эмас. Бунинг учун сочга мос келадиган рангдаги тендан фойдаланиш мумкин. У бош терисига суртилади ва сочлар яхшилаб таралади.

Сочлар учун антистатик

Ўзингиз билан антистатик спрей олиб юришингиз шарт эмас. Шунчаки бир томчи қўл кремини кафт билан бош юзасига суртиш мумкин.