Бугун,

  • USD 11095.31
  • RUB 173.84
  • EUR 10772.44

Хоразм вилоят бандлик бош бошқармаси бошлиғи вазифасида ишлаб келган Одилбек Ортиқов Шовот тумани ҳокими этиб тайинланди. Бу ҳақда вилоят ҳокимлиги матбуот хизмати хабар берди.

Фото: Хоразм вилояти ҳокимлиги матбуот хизмати

Фото: Хоразм вилояти ҳокимлиги матбуот хизмати

Маълум қилинишича, 29 март куни Халқ депутатлари Шовот туман кенгашининг навбатдан ташқари 55-сессияси бўлиб ўтган. Сессияда Шовот тумани ҳокими вазифасида ишлаб келган Ҳакимбой Отахонов ўз аризасига биноан эгаллаб турган лавозимидан озод қилинган.

Хоразм вилояти бандлик бош бошқармаси бошлиғи вазифасида ишлаб келган Одилбек Ортиқов эса Шовот тумани ҳокими лавозимига тасдиқланган.

Шунингдек, сессияда Шовот туманини 2022 йилда ижтимоий-иқтисодий ривожлантириш ва аҳоли турмуш шароитини яхшилаш бўйича ишлаб чиқилган «йўл харитаси»нинг тақдимоти ўтказилган. Сессия ишида Хоразм вилояти ҳокими Фарҳод Эрманов қатнашган ва сўзга чиққан.

Фото: Хоразм вилояти ҳокимлиги матбуот хизмати

Фото: Хоразм вилояти ҳокимлиги матбуот хизмати

Эслатиб ўтамиз, 2021 йилнинг декабрида Шовот тумани ҳокими Ҳакимжон Отахонов жарроҳлик амалиётини бошдан ўтказгани маълум бўлганди. Туман ҳокими матбуот котиби Меҳрибон Искандарова «Дарё»га Ҳакимжон Отахонов суяк емирилиши бўйича жарроҳлик амалиётини бошдан ўтказганини тасдиқлаганди.

Аввалроқ Самарқанднинг Нуробод туманига янги ҳоким, Хоразм вилояти ҳокимига янги ўринбосар тайинланган эди.

Изоҳ
Асосий янгиликлар
Маҳаллий
«Одамлар ўлимида ўзимни айбдор ҳисобламайман» — Нукусдаги тартибсизликлар етакчиси Даулетмурат Тажимуратов
Маданият
«Худодан қўрқмаган одамдан қўрқдим». Ўзбекистон халқ артисти Бобомурод Ҳамдамов оилавий низолар туфайли ижара уйда яшамоқда (видео)
Спорт
Ўзбекистон ампутантлар терма жамоаси футболчиларига Cobalt автомобиллари топширилди