Футбол бўйича Navruz Cup—2022 мусобақасининг финал баҳсида Ўзбекистон терма жамоаси 29 март, сешанба куни Уганда билан баҳс олиб борди.
Учрашувнинг 34-дақиқасида Жалолиддин Машарипов рақиб хатосидан унумли фойдаланиб, ҳисобни очди. 39-дақиқада Элдор Шомуродов ўзбекистонликларнинг иккинчи голига муаллифлик қилди.
52-дақиқада Фаруку Мия ҳисобни қисқартирди. 55 ва 72-дақиқаларда Элдор ўз ҳисобига яна иккита гол ёздириб қўйди. 78-дақиқада Эмануэл Окви Уганданинг иккинчи голини урди.
Шу тариқа Сречко Катанец шогирдлари Navruz Cup—2022 мусобақаси ғолибига айланди.
3-ўрин учун кечган баҳсда Тожикистон терма жамоаси Қирғизистон устидан кичик ҳисобда ғалаба қозонди.
Navruz Cup—2022
Финал баҳси
29 март, сешанба
Ўзбекистон — Уганда 4:2
Голлар: 1:0 — 34 Машарипов, 2:0 — 39 Шомуродов, 2:1 — 52 Мия, 3:1 — 55 Шомуродов, 4:1 — 72 Шомуродов, 4:2 — 78 Окви.Ўзбекистон: 12. Ўткир Юсупов, 13. Шерзод Нарсуллаев, 15. Умар Эшмуродов, 23. Ҳусниддин Алиқулов, 8. Дилшод Саитов (3. Ҳожиакбар Алижонов, 80), 9. Одил Ҳамробеков, 7. Отабек Шукуров, 18. Азиз Амонов (6. Сардор Собирхўжаев, 78), 10. Жалолиддин Машарипов (22. Ойбек Бозоров, 90+1), 20. Ҳожимат Эркинов (17. Достон Ҳамдамов, 59), 14. Элдор Шомуродов (21. Игорь Сергеев, 79).
Уганда: 1. Нафиан Алионзи, 4. Ҳерберт Ачаи (3. Абду Азиз Кайондо, 64), 7. Эмануэл Окви, 8. Мулондо Ливингстон, 9. Фаҳад Баё, 10. Фаруку Мия, 12. Марвин Юнгман (20. Деррик Коккоза, 70), 15. Ҳалиди Ливалива, 16. Стевен Сервадда (17. Аллан Окелло, 64), 21. Аллан Кямбаде (11. Рогерс Мато, 89), 23. Мосес Ваисва.
Огоҳлантиришлар: Сервадда (3), Окви (45), Киямбат (61), Собирхўжаев (85).
Изоҳ (0)