Бугун,

  • USD 11095.31
  • RUB 173.84
  • EUR 10772.44

Япония ҳукумати COVID-19 га қарши давом этаётган кураш доирасида 25 март куни Ўзбекистонга 200 минг дозадан ортиқ AstraZeneca вакцинасини тақдим этди. Вакциналарни етказиб бериш COVAX механизми орқали UNICEF билан ҳамкорликда амалга оширилган.

Фото: Telegram / UNICEF Uzbekistan

Фото: Telegram / UNICEF Uzbekistan

«Япония Ўзбекистоннинг COVID-19 га қарши курашдаги саъй-ҳаракатларини, жумладан, замонавий тиббий ускуналар ва шахсий ҳимоя воситалари билан таъминлаш ҳамда аҳолининг ижтимоий-иқтисодий жиҳатдан заиф қатламларига ёрдамини доимо қўллаб-қувватлаб келади. Ҳозиргача биз Ўзбекистонда COVID-19 га қарши курашиш учун жами 10 миллион доллардан ортиқ маблағ ажратдик. Бугун Япония Ўзбекистон халқи учун қимматли вакциналарни етказиб берувчи давлатлар гуруҳига қўшилганини эълон қилишдан жуда мамнунман», — дейди Япониянинг Ўзбекистондаги элчиси Ёшинори Фужияма.

У, шунингдек, ушбу ёрдам Ўзбекистонда халқининг соғлом турмуш тарзига кўмак беришига ҳамда дипломатик муносабатлар ўрнатилганининг 30 йиллигини нишонлайдиган икки давлат ўртасидаги дўстликни янада мустаҳкамлашга хизмат қилади деб умид билдирган.

Япония ҳукуматининг кўмаги вакцина етказиб бериш ва тарқатиш бўйича глобал механизм доирасида амалга оширилмоқда. Ушбу вакциналар ҳозирги вақтдаги таъминот тақчиллигини юмшатиш ва, энг муҳими, касалликнинг янги вариантларидан ҳимоя қилиш ва мақсадли гуруҳларга эмлашни кенгайтиришда муҳим аҳамият касб этади.

Таъкидланишича, Япония тақдим этган вакциналар билан биргаликда Ўзбекистон томонидан олинган COVID-19 вакциналарининг умумий сони 61 миллион дозага етган. Бундан ташқари, UNICEF шприцлар, хавфсизлик қутилари ва шахсий ҳимоя воситалари каби хавфсиз эмлаш воситаларини харид қилган ва етказиб берган.

COVAX механизми доирасида, UNICEF 2022 йил ўртасига қадар COVID-19 га қарши яна 24,6 миллион доза вакцина етказиб беришни режалаштирган.

Эслатиб ўтамиз, Ўзбекистонга 2022 йилнинг февралида Moderna вакцинасининг 2,8 миллиондан ортиқ дозаси, март ўрталарида 2 миллион дозага яқин Pfizer вакцинаси, 17 март куни эса Япониядан 201 600 доза AstraZeneca вакцинаси олиб келинганди.

Изоҳ
Asosiy yangiliklar
Маҳаллий
Бир неча кундан буён ҳукм сураётган қорли об-ҳавода ўзбекистонликлар ясаган қорбоболар — суратларда
Спорт
Матбуот анжумани вақтида мушукни улоқтириб юборган Бразилия терма жамоаси расмийси танқидларга учради (видео)
Дунё
Лукашенко «кучсиз Mercedes» туфайли ЕОИИ саммитига пиёда келди (видео)